| e-texts navigator |
| Wylie |
338b1 རྟེན་བསྒྲལ་གྱུར་ཀྱང་།། སྟོན་པའི་ཐུགས་རྗེས་བསྒྲལ་བ་ལས།། སྡིག་ཅེས་བྱ་བའི་མིང་ཡང་མེད།། རྟོག་པ་གདེང་དུ་མ་གྱུར་ན།། སྐད་ཅིག་སེམས་ཀྱི་འཁུ་འཕྲིགས་ཀྱང་།། ངན་སོང་གསུམ་པོ་དག་དང་འདྲ།། དེས
338b2 ན་རཱ་ཛས་ས་ཟིན་ན།། བློན་པོས་ལས་རྣམས་ཅི་སྤྱད་ཀྱང་།། རཱ་ཛའི་ངང་ལས་གཡོས་པ་མེད།། རྟོགས་པ་རབ་ཀྱི་མཚན་ཉིད་དོ།། དབང་པོ་འབྲིང་གི་མཚན་ཉིད་ནི།། རཱ་ཛས་གདན་ས་མ་ཟིན་ན།། བློན་པོའི་དབང
338b3 དུ་རཱ་ཛ་བྱས།། བློན་པོ་བཙོན་དུ་བཟུང་བ་དང་།། རཱ་ཛ་གདན་ས་ཟིན་ཏེ་མི་བསྐྱོད་དོ།། རཱ་ཛ་གདན་ས་ཟིན་པའི་མཚན་ཉིད་ནི།། རྒྱ་མཚོ་ཨར་ལ་གཏད་དེ་མི་བསྐུལ་ཧར་པོར་བཞག། ཤེས་རབ་གསེར་ཡི་ཐུར་མས
338b4 རིག་པ་རང་དབང་བསྐུར།། དེས་ནི་མཉམ་བཞག་མ་ཡིན་རྗེས་ཐོབ་བོ།། ཉམས་སུ་བླང་བའི་ཚད་ཡིན་ནོ།། ཞེས་གསུངས་སོ།། དུར་ཁྲོད་ཕུང་པོ་འབར་བའི་རྒྱུད་ལས། ཕུང་པོ་བཤིགས་ནས་རིགས་པ་ངོས་བཟུང
338b5 བའི་ལེའུ་སྟེ་གསུམ་པའོ།། །། ཡང་ཞུས་པ། ཀྱེ་ཀྱེ་བཅོམ་ལྡན་ཁྲོ་གཉེར་ཅན།། ཕུང་པོའི་ནང་དུ་རྒྱལ་བློན་དངོས་བསྟན་ཏེ།། དམངས་དང་གྲོལ་ལུགས་ཇི་ལྟར་ལགས།། མཉམ་པའི་ངང་ནས་གསུང་དུ
338b6 གསོལ།། ཡང་གསུངས་པ། ངས་བསྟན་འཁོར་རྣམས་ངེས་ཟུང་ཞིག། རིག་པ་མི་འགྱུར་རྒྱལ་པོ་བཞིན།། བློན་པོས་སྣ་ཚོགས་གཟུང་འཛིན་བྱེད།། དམངས་ཀྱིས་གཞན་སྣང་ཡུལ་ལ་སྤྱོད།། གསོག་པའི་དམངས་དང
iiif viewer powered by OpenSeadragon
