| e-texts navigator |
| Wylie |
338a1 པོས་བྱས།། རིག་པ་འབྱེད་མེད་རང་གསལ་ནི།། རྒྱལ་པོ་བློན་པོ་དམངས་ཀྱི་ཚུལ།། རྒྱལ་པོ་རིག་པའི་ངོ་བོ་ཉིད།། མི་འགྱུར་མ་བཅོས་རང་བཞིན་གནས།། མ་བཅོས་ཇི་བཞིན་ལྷུན་གྲུབ
338a2 གནས།། སྟོང་པ་ཆེན་པོ་རྡོ་རྗེའི་སྐུ།། སྙིང་པོ་རང་གསལ་འཛིན་མེད་དེ།། ཆོས་ཉིད་རང་གི་གདངས་ལ་བཞུགས།། འདུ་འཛིས་གཡེངས་ཀྱང་གཡོས་པ་མེད།། རཱ་ཛ་ཞེས་ནི་དེ་ལ་བྱ།། བློན་པོ་སེམས་ཀྱི་ངོ་བོ་སྟེ།། ཕྱི
338a3 བློན་ནང་བློན་གཟུང་འཛིན་གཅོད།། རྣམ་རྟོག་སྣ་ཚོགས་ཡུལ་ལས་སྐྱེ།། དྲན་པ་ཕྱོགས་མེད་ཞེན་པར་གཅོད།། གཟུང་འཛིན་རྒྱུད་ལ་རབ་ཏུ་བསགས།། རྣམ་རྟོག་ཕྱིན་ཅི་ལོག་ལ་སྤྱོད།། དུག་ལྔ་ངར་འཛིན་ཁོང་དུ
338a4 བཅས།། བྱན་མོ་མཛངས་མའི་མཛོད་བཞིན་དུ།། དགེ་སྡིག་རྟོག་པ་སྣ་ཚོགས་བསགས།། མ་རྟོགས་བློན་པོས་དབང་བསྒྱུར་ཏེ།། ངན་སོང་གསུམ་དུ་ཐེ་ཚོམ་མེད།། རྟོགས་ན་ཆོས་ཉིད་རང་རྩལ་ཏེ།། ཤར་ཡང་རིག
338a5 པའི་ངང་ལས་ཤར།། སྐྱེ་ཡང་རིག་པའི་ངང་ལས་སྐྱེ།། གྲོལ་ཡང་རིག་པའི་ངང་དུ་གྲོལ།། སྣ་ཚོགས་ཤར་ཡང་རིག་པའི་རྩལ།། དཔེར་ན་ནམ་མཁའི་ཀློང་ཉིད་ནས།། སྤྲིན་དང་ན་བུན་ཁུ་རླངས་ཤར།། ཤར་ཡང་ནམ
338a6 མཁའི་ཀློང་དུ་ཐིམ།། དེ་བཞིན་རིག་པའི་རྒྱལ་པོ་ལ།། བློན་པོས་ལས་རྣམས་རྩལ་དུ་འགྱུར།། རིག་པའི་རྩལ་དུ་ཤེས་ཙམ་ན།། རྒྱན་དང་རོལ་པ་ཐུགས་རྗེའོ།། རིག་པའི་ངང་ནས་མ་གཡོས་ན།། སྟོང་གསུམ་འཇིག
iiif viewer powered by OpenSeadragon
