| e-texts navigator |
| Wylie |
337a1 འོག་མིན་གནས།། ནང་ལྟར་བསྟན་ན་ཐོད་པ་སྟེ།། འདོད་ཆགས་ཆུ་ལྟར་བྲུབ་པ་ནི།། ཉོན་མོངས་འདོད་ཆགས་ཆེན་པོ་སྟེ།། རླུང་ནག་མུན་ལྟར་གཏིབས་པ་ནི།། ཕྲག་དོག་གཏི་མུག་བདུད་ཀྱིས
337a2 ཁྱེར།། ཁྱེའུ་སྒྲོན་མེ་ཐོགས་པ་ནི།། རིག་པའི་རྒྱལ་པོ་རང་སྣང་སྟེ།། རི་རབ་རྩེ་ལ་གནས་པ་ནི།། རྒྱ་མཚོའི་མདངས་ལ་གནས་པ་ཡིན།། དུར་ཁྲོད་འདམ་དུ་རྒྱུ་ཞེས་པ་ནི།། ཙིཏྟའི་ནང་དུ་རྒྱུ་བ་ཡིན།། འཁོར་བའི་ཆུ
337a3 བོས་ཁྱེར་བ་ནི།། རྣམ་རྟོག་ཆུ་བོས་ཁྱེར་བ་ཡིན།། རླུང་ནག་འཚུབས་མས་ཁྱེར་བ་ནི།། དུག་ལྔའི་དབང་དུ་གྱུར་པ་ཡིན། ཁོ་ལ་ཤི་བ་མེད་ཅེས་པ་ནི།། རིག་པ་རྡོ་རྗེ་ལྟ་བུའི་སྐུ།། ཅིར་ཡང་ཤར་ཡང་ཁོ་ཡི་སྐུ།། ཞེས
337a4 གསུངས་སོ།། དུར་ཁྲོད་ཕུང་པོ་འབར་བའི་རྒྱུད་ལས། འདུས་པ་བརྡའི་ལེའུ་སྟེ་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཕུང་པོ་འབར་བའི་དོན
337a5 རྣམས་གསུང་དུ་གསོལ།། སྟོན་པས་བཀའ་སྩལ་པ། ངས་བསྟན་འཁོར་རྣམས་ཡིད་ལ་ཟུང་།། ཕུང་པོ་ཞེས་སུ་བསྟན་པ་ནི།། དུ་མ་འདུས་པས་ཕུང་པོའོ།། འཇིག་པའི་ཕྱིར་ན་ཕུང་པོའོ།། རྟེན་པའི་ཕྱིར་ན་ཕུང
337a6 པོའོ།། འདུས་པའི་ཕྱིར་ན་ཕུང་པོའོ།། ཕུང་པོ་དག་ལ་བརྟེན་པ་ནི།། ཀླད་པ་དུང་ཁང་གཞལ་ཡས་ནི།། ཧེ་རུ་ཀ་ཡི་བཞུགས་གནས་ཡིན།། ཐུགས་རྗེ་འབྱུང་བའི་སྒོ་བཞི་ནི།། རིག་པ་འགྱུ་བའི་གསང་བཞི་ཡིན།། བྷྲྀ
iiif viewer powered by OpenSeadragon
