| e-texts navigator |
| Wylie |
336b1 གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་བརྗིད་པའི་ཁྲོ་གཉེར་ཅན་གྱིས་ཞུ་བའི་འཁོར་གསང་བའི་བདག་པོ་དང་། སྡུད་པའི་འཁོར་དགའ་རབ་རྡོ་རྗེ། མོས་པའི་འཁོར་མཁའ་འགྲོ་ལྔ་ལ
336b2 སོགས་ཏེ་བསམ་གྱིས་མི་ཁྱབ་པ་རྣམས་ལ། དུར་ཁྲོད་ཕུང་པོ་འབར་བའི་གསང་རྒྱུད་འདི། ང་ཡིས་བཤད་ཀྱིས་ཡིད་ལ་ཟུང་།། ཞེས་བཀའ་སྩལ་ཏོ།། སྔོན་དུར་ཁྲོད་ཕུང་པོ་འབར་བའི་རི་རབ་ན།། དཔག་བསམ་གྱི
336b3 ལྗོན་ཤིང་ལྕང་ལོ་ཅན་གྱི་ཕོ་བྲང་ན།། རླུང་ནག་མུན་ལྟར་གཏིབ་པའི་ནང་ཤེད་ན།། འདོད་ཆགས་ཆུ་ལྟར་འཁྲུགས་པའི་དཀྱིལ་ཤེད་ན། ཁྱེའུ་ཤེལ་གྱི་སྒྲོན་མེ་ཐོགས།། རེས་འགའ་རི་རབ་རྩེ་ལ་གནས།། རེས་འགའ
336b4 དུར་ཁྲོད་འདམ་དུ་རྒྱུ།། རེས་འགའ་འཁོར་བའི་ཆུ་བོས་ཁྱེར།། རེས་འགའ་རླུང་ནག་འཚུབས་མས་ཁྱེར། ཁྱེར་ཡང་ཁོ་ལ་ཤི་བ་མེད།། ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་ཁྲོ་གཉེར
336b5 ཅན།། བདག་ཅག་འདུས་པའི་འཁོར་ཚོགས་ལ།། དེ་ཡི་དོན་རྣམས་གསུང་དུ་གསོལ།། ཞེས་ཞུས་སོ།། སྟོན་པས་གསུངས་པ།། བརྡ་ཡི་དོན་རྣམས་མ་གོ་ན།། ངས་བཤད་ཡིད་ལ་ངེས་པར་ཟུང་།། དུར་ཁྲོད་ཕུང་པོ
336b6 འབར་བ་ནི།། ད་ལྟའི་དུས་ན་མེ་རི་འབར་བ་སྟེ།། ཕྱིས་ཀྱི་དུས་ན་གཟུགས་ཀྱི་ཕུང་པོའོ།། དཔག་བསམ་ལྗོན་ཤིང་བསྟན་པ་ནི།། སྲོག་ཏུ་གྱུར་པའི་རླུང་བཞིན་ཏེ།། ལྕང་ལོའི་ཕོ་བྲང་བསྟན་པ་ནི།། ཕྱི་ལྟར་བསྟན་ན
iiif viewer powered by OpenSeadragon
