| e-texts navigator |
| Wylie |
336a1 ཆོད། སྐྲ་གསུམ་གྱི་སྣང་བ་ཛ་སྤྲོད་བཞིའི་ཆུད་འདིར་འཇུག། @#།། རྒྱ་གར་སྐད་དུ། ཤྭ་ཤ་ན་སྐརྡྷ་ཛྭ་ལོ་པ་དེ་ཤ་ཏནྟྲ་ནཱ་མ། བོད་སྐད་དུ། དུར་ཁྲོད་ཕུང་པོ་འབར་བ་མན་ངག་གི
336a2 རྒྱུད་ཅེས་བྱ་བ། དཔལ་རྡོ་རྗེ་འཆང་ཆེན་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། དུར་ཁྲོད་ཆེན་པོའི་རྫོང་། ཀེང་རུས་ཀྱི་རི་རབ། ལྕང་ལོ་ཅན་གྱི་ཕོ་བྲང་། གསང་བའི་སྒོ་བཞི་བཏོད་པ
336a3 ན། ཉི་ཟླ་ཟུང་ཅིག་གསལ་བ་ན། བཅོམ་ལྡན་འདས་བརྗིད་པའི་ཁྲོ་གཉེར་ཅན། རང་རིག་པའི་རྒྱལ་པོ་ཡེ་ཤེས་ཆེན་པོ་བཞུགས་ཏེ། ནང་གི་འཁོར་ཆེན་མཁའ་འགྲོ་ལྔ། ཕྱིའི་འཁོར་དག་ཁྱེའུ་ལྔ། གསང་བའི་འཁོར
336a4 ནི་ལྷ་མོ་ལྔ་དང་ཐབས་གཅིག་ཏུ་བཞུགས་སོ།། དེའི་ཚེ་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་གཏུམ་ཁྲོ་འབར།། ཉི་ཟླ་འབར་བའི་གདན་སྟེང་ནས།། རྒྱ་མཚོའི་ནང་ནས་སྐུ་བཞེངས་ནས།། ཆོས་ཉིད
336a5 ཀློང་ནས་གདངས་བསྐྱོད་ལ།། བདག་ཅག་འདུས་པའི་འཁོར་ཚོགས་ལ།། ཕུང་པོ་འབར་བའི་གསང་རྒྱུད་འདི།། ཐུགས་ཀྱི་ཀློང་ནས་རབ་བཀྲོལ་ལ།། མགུར་གྱི་བུམ་པར་ཆོས་ཉིད་དྲིལ།། ལྗགས་ཀྱི་པདྨོ་དག་ལ
336a6 བཀྲམ།། ཤངས་ཀྱི་རླུང་སྒྲོམ་དུང་གི་ཚེམས་པར་དག་ནས་སྟོན་མཛོད་ལ།། ཡོན་ཏན་སྒོ་ལྔ་ཁྱེའུ་ལྔ་ལ་བརྡ་སྤྲད་ནས།། མོས་པའི་འཁོར་ལ་གསུང་དུ་གསོལ།། ཞེས་ཞུས་སོ།། དུར་ཁྲོད་ཕུང་པོ་འབར་བའི་རྒྱུད་ལས།།
iiif viewer powered by OpenSeadragon
