| e-texts navigator |
| Wylie |
335a1 བྱེད་དབང་ཕྱུག་པོ།། རྡོ་རྗེ་སེམས་དཔའ་སེམས་དཔའ་ཆེ།། སྟོན་པ་གཅིག་པུ་འགྲོ་བའི་བླ།། སྤྲུལ་པའི་འཁོར་ལོ་སྣ་ཚོགས་འཆང་།། འཇིག་རྟེན་ཕྱོགས་བཅུར་རབ་གྲགས་པ།། ཆོས་ཀྱི་སྦྱིན་བདག་ཆེ
335a2 བ་པོ།། བྱམས་པའི་གོ་ཆ་ཆས་པ་སྟེ།། སྙིང་རྗེ་ཡི་ནི་ཡ་ལད་བགོས།། སངས་རྒྱས་འགྲོ་བའི་ཆོས་འཛིན་པ།། དཔལ་ལྡན་སངས་རྒྱས་པདྨ་སྐྱེས། ཁ་དོག་སྣ་ཚོགས་འབར་བའི་འོད།། རྡོ་རྗེ་སྐྱིལ་ཀྲུང་རྫོགས
335a3 སངས་རྒྱས།། ཤེས་རབ་ཆེན་པོས་སྐད་ཅིག་ལ།། ཆོས་ཀུན་ཁོང་དུ་ཆུད་པ་འཆང་།། ཆོས་ཀུན་མངོན་པར་རྟོགས་པ་སྟེ།། རྡོ་རྗེ་དབང་ཕྱུག་གསང་བའི་རྒྱལ།། རྡོ་རྗེ་བློ་གྲོས་དོན་ཆེན་བྱེད།། ཀུན་ཏུ་བཟང་པོ་བློ་གྲོས
335a4 བཟང་།། འགྲོ་ཀུན་དགའ་བའི་མིག་དང་ལྡན།། ཤེས་རབ་རལ་གྲི་མདའ་གཞུ་ཐོགས།། ཉོན་མོངས་མི་ཤེས་གཡུལ་ངོ་སེལ།། རྡོ་རྗེ་ལྕགས་ཀྱུ་ཞགས་པ་ཆེ།། རྡོ་རྗེ་རལ་གྲིས་མ་ལུས་གཅོད།། ཆོས་ཀྱི་གཎྜཱི་སྒྲ་བོ
335a5 ཆེ།། ཕྱོགས་བཅུའི་ཆོས་ཀྱི་རྔ་བོ་ཆེ།། ཆོས་ཀྱི་དུང་སྟེ་སྒྲ་ཆེན་ལྡན།། ཆོས་ཀྱི་རྒྱལ་མཚན་ལེགས་པར་འཛུགས།། འགྲོ་ན་གདུགས་གཅིག་ཡངས་པ་སྟེ།། བྱམས་དང་སྙིང་རྗེའི་དཀྱིལ་འཁོར་ཅན།། སྨན་པ་ཆེ་མཆོག
335a6 གཙོ་བོ་སྟེ།། ཟུག་རྔུ་འབྱིན་པ་བླ་ན་མེད།། ནད་དོ་ཅོག་གི་དགྲ་ཆེ་བ།། སྨན་རྣམས་མ་ལུས་ལྗོན་པའི་ཤིང་།། འགྲོ་བའི་མར་མེ་ཡེ་ཤེས་སྒྲོན།། སྙིང་རྗེ་ཆེན་པོ་ཤེས་རབ་ཐབས།། དོན་ཡོད་འགྲོ་བའི་དོན་བྱེད
iiif viewer powered by OpenSeadragon
