| e-texts navigator |
| Wylie |
334b1 བའོ།། དེ་དག་ལ་ཡང་གཉིས་ཡིན་ཏེ།། སྤྲུལ་པའི་སྐུ་དང་རང་རྒྱུད་དང་།། རང་རྒྱུད་འཁྲུལ་ཞིང་འཁོར་བ་སྟེ།། ཡན་ལག་བཅུ་གཉིས་སྲིད་རྩ་བཏོན།། བརྟེན་ནས་འཁོར་ལོ་བཅུ་གཉིས་འཆང་།། སྣང་བ་ཆེན་པོ
334b2 གསལ་བ་སྟེ།། ནོར་བུ་ཆེན་པོ་རིན་ཆེན་ཏོག། འོད་ཆེན་རྣམ་པར་སྣང་བར་བྱེད།། ཡེ་ཤེས་སྐུ་སྟེ་རང་བྱུང་བ།། སེམས་ཅན་ཀུན་གྱི་ཡིད་ལྟར་མགྱོགས།། སྣ་ཚོགས་གཟུགས་ཅན་ཡིད་ལས་སྐྱེས།། གཟུགས་རྣམས
334b3 སྣ་ཚོགས་ཀུན་ཏུ་སྟོན།། དེ་ལྟར་འཁྲུལ་སྣང་ཤར་བའོ།། དེ་ནི་སྦྲུལ་སྐུའི་ཞིང་ཡིན་ཏེ།། ཆོས་སྐུའི་ཞིང་ཁམས་ཐུགས་གྱི་ལེའུ་བཞིན།། ལོངས་སྐུའི་ཞིང་ཁམས་སྐུ་ཡི་ལེའུ་བཞིན།། ཐུགས་རྗེ་དག་པའི་བྱུང་ཚུལ
334b4 ཡང་།། སྐུ་ཡི་འོད་དང་གསུང་ཟེར་ལས།། རྡོ་རྗེ་ཉི་མ་སྣང་བ་ཆེ།། རྡོ་རྗེ་ཟླ་བ་དྲི་མེད་འོད།། སྐུ་གསུམ་དྲི་མེད་ཐུགས་རྗེ་འབྱུང་།། ཆོས་སྐུའི་གནས་ལུགས་གོང་བསྟན་བཞིན།། ཐུགས་རྗེ་རྒྱལ་བ་རིག་པ་སྟེ།། གོང
334b5 བཤད་བཞིན་དུ་ཤེས་པར་གྱིས།། ལོངས་སྐུ་ཐུགས་རྗེ་སྤྲུལ་པ་སྟེ།། ལོངས་སྤྱོད་རྫོགས་སྐུ་སྐུ་ཡི་རྒྱལ།། མངོན་ཤེས་དྲུག་ལྡན་རྗེས་དྲན་དྲུག། ཡི་གེ་དྲུག་པ་རྡོ་རྗེའི་སྒྲ།། སྤྲུལ་པའི་སྐུ་སྟེ་སྐུ་ཡི་མཆོག། སངས་རྒྱས་སྤྲུལ
334b6 པའི་རྒྱུད་འཆང་བ།། ཕྱོགས་བཅུར་སྤྲུལ་པ་སྣ་ཚོགས་འགྱེད།། ཇི་བཞིན་འགྲོ་བའི་དོན་བགྱིད་པ།། ལྷ་ཡི་དབང་པོ་ལྷ་ཡི་ལྷ།། ལྷ་ཡི་དབང་པོ་ལྷ་མིན་བདག། འཆི་མེད་དབང་པོ་ལྷ་ཡི་བླ་མ།། འཇོམས་བྱེད་འཇོམས
iiif viewer powered by OpenSeadragon
