| e-texts navigator |
| Wylie |
331a1 གཡུལ་ངོ་སེལ།། ཤེས་པས་སྲིད་འབྱུང་སྐྱེ་གནས་མེད།། རྡུལ་མེད་རྡུལ་བྲལ་དྲི་མ་བྲལ།། ཤིན་ཏུ་སད་པ་སད་པའི་བདག། ཀུན་ཤེས་ཀུན་རིག་དམ་པའོ།། རྣམ་པར་ཤེས་པའི་ཆོས་ཉིད་འདས།། སྲིད
331a2 པའི་རི་བོ་ཆེན་པོ་འཇོམས།། སྦྱོར་བའི་དགོན་པ་ལས་བྱུང་བ།། ཉོན་མོངས་ཉེ་བ་ཀུན་ཉོན་མོངས།། བག་ཆགས་བཅས་པ་གཏན་སྤངས་པ།། གྲོལ་བ་ཐར་པ་རྣམ་གྲོལ་ལུས།། རྣམ་གྲོལ་ཞི་བ་ཞི་བ་ཉིད།། ཤེས་རབ
331a3 ཆེན་པོ་ལུས་འཆང་བ།། སྐད་ཅིག་གཅིག་གིས་རྫོགས་སངས་རྒྱས།། སྐད་ཅིག་ཐམས་ཅད་བྱེ་བྲག་བྱེད།། ཅེས་གསུངས་སོ།། གསང་སྔགས་ཐབས་ཀྱི་རྒྱལ་པོ་ནི།། བྱ་བཙལ་མི་མངའ་རྟོགས་ཐོབ་ཐབས།། སྤངས་པ
331a4 མེད་དང་ཉུང་ཟབ་སྟེ།། མཁས་པ་ཆེན་པོ་ཐབས་ཆེ་བའི་ལེའུའོ།། སྟོབས་ཀྱི་འཁོར་རྣམས་སྣ་ཚོགས་སྣང་།། སྣ་ཚོགས་གཉིས་མེད་ངང་དུ་སྦྱོར།། རྫུ་འཕྲུལ་ཆེན་པོ་སྟོབས་དང་ལྡན།། ཤུགས་ཆེན་མགྱོགས་པ་ཆེན་པོ
331a5 སྟེ།། རྫུ་འཕྲུལ་ཆེན་པོ་ཆེར་གྲགས་པ།། སྟོབས་ཆེན་ཕ་རོལ་གནོན་པ་པོ།། སྐུ་དང་ཡེ་ཤེས་རང་ལ་འབར།། རང་ཤར་རང་ལ་རྣམ་པར་བརྒྱན།། དེ་ནི་འབྲས་བུ་རང་རྫོགས་ཡིན།། ཡིད་བཞིན་འབྲས་བུ་ཆེན་པོ
331a6 འཆང་།། དཔག་བསམ་ཤིང་ཆེན་རྒྱས་པ་སྟེ།། བུམ་པ་བཟང་པོ་ཆེ་བའི་མཆོག། བྱེད་པ་སེམས་ཅན་ཀུན་དོན་བྱེད།། ཐེག་པ་སྣ་ཚོགས་ཐབས་ཚུལ་གྱིས།། འགྲོ་བའི་དོན་ལ་སྟོན་པ་པོ།། རྒྱུད་ཀུན་གྱི་ནི་བདག་པོ
iiif viewer powered by OpenSeadragon
