| e-texts navigator |
| Wylie |
329b1 མཁའ་དག་ལ་ཁྱུང་ལྡིང་དང་འདྲ་སྟེ།། རྩོལ་བྲལ་མཁའ་ལ་ཀློད་ལ་བཞག། གཟེར་བཏབ་འདྲ་སྟེ་ཡང་ཡང་གོམས་པར་བྱ།། ཚད་ཕྱིན་དགོངས་པ་གངས་ལ་ཉི་མ་ཤར་བ་བཞིན།། བློན་པོ་བཙོན་དུ་བཟུང་བ་འདྲ་སྟེ
329b2 བློ་ཡི་རྟོག་པ་ཞི།། སྒོ་ལྔ་ཡུལ་ལ་མི་འཕྲོ་དགོངས་པ་མཐའ་བཞིར་གནས།། དངོས་པོ་བློ་ལྟར་སྣང་བ་སློབ་པའི་ཐབས།། དོན་དང་མཐུན་པར་གྱུར་པས་དངོས་པོ་བློ་ཡི་ཐོག་ཏུ་གྲོལ།། བློན་པོས་དམངས་གྲོལ
329b3 དམངས་ཀྱི་བྱ་བ་བྲལ།། ངང་དངས་རང་བཞིན་བདག་ཉིད་ཆེན་པོར་ལྷུན་གྱིས་གྲུབ།། སྐུ་དང་ཡེ་ཤེས་བསྒོམ་པར་གསལ་བའི་དོན།། ཏིང་འཛིན་བློ་ལྟར་སྣང་བ་རང་གསལ་རིག་དང་རྒྱུད་རིག་པ།། མ་བཅོས་ཏིང
329b4 འཛིན་ལུས་ཅན་ལུས་ཀྱི་མཆོག། རང་བྱུང་བསམ་གཏན་བསམ་བྱ་བློ་ལྡན་པ།། ཡེ་ནས་བསམ་གཏན་བཞི་ཡི་རྩེ་མོ་ཅན།། དེ་ནི་བསམ་གཏན་ཕ་རོལ་ཕྱིན་པའོ།། རང་བྱུང་ཤེས་རབ་ཡེ་ཤེས་འགག་མེད་རང་ཤར
329b5 བས།། དབྱེར་མེད་ཤེས་རབ་གཞི་ལ་གནས་པས་འབྱུང་།། ཐོས་པའི་དོན་རིག་རྣམ་པར་འབྱེད་པ་དང་།། བསམ་པའི་དོན་རིག་སོ་སོར་ཕྱེ་བ་དང་།། འདུས་པ་ལས་བྱས་མ་བྱུང་དོན་ཆེན་རིག། བསྒོམ་པ་ཤེས་རབ་མི
329b6 རྟོག་ཤེས་རབ་གསལ།། བསྒོམ་པའི་དོན་ལ་མི་གནས་སོ་སོར་འབྱེད་པ་དང་།། དགོངས་པའི་དོན་ལ་མི་གནས་ཤེས་རབ་ཐོག་ཏུ་བབ།། ཐོས་པས་ཤེས་རབ་རྒྱུད་ལ་སྐྱེ་བའི་ཐབས།། ངོ་སྤྱོད་རྟོགས་པ་ཐོབ་འགྱུར
iiif viewer powered by OpenSeadragon
