| e-texts navigator |
| Wylie |
328b1 ཤེས་སྨིན།། རྒྱུ་ཉིད་མ་བཅོས་འབྲས་བུ་རྫོགས།། བརྩོན་འགྲུས་ཆེན་པོ་བརྟུལ་བ་ཡིན།། བྱར་མེད་རང་བྱུང་ཡེ་སངས་རྒྱས།། བརྩོན་འགྲུས་ཀྱི་ལེའུ།། འགྱུར་མེད་རྡོ་རྗེའི་གདན་ལ་འབྱུང་ཞིང་ཟད།། ཕྲ་རགས་དྲི་མ
328b2 དག་པས་སངས་རྒྱས་ཡུལ་མེད་དེ།། རིག་པ་དྲི་མེད་ཟང་ཐལ་ཤེས་རབ་གསལ།། རང་སྣང་ཡེ་ཤེས་གཞན་སྣང་རྟོག་པ་མེད།། གཟུང་འཛིན་རྟོགས་པ་བདེ་ཆེན་ཆོས་ཀྱི་སྐུ།། བཟོད་ཆེན་མ་ལུས་འཆང་བ་བརྟན་པ
328b3 པོ།། བཟོད་པའི་ལེའུ།། དགོངས་པ་བསྒོམ་དུ་མེད་པར་རང་ལུགས་ཆེན་པོར་གནས།། བསྒོམ་བྱ་སྐུ་དང་ཡེ་ཤེས་རིག་པའི་ཡེ་ཤེས་ཉིད།། དུས་གསུམ་དུས་མེད་རང་བཞིན་མཉམ་པ་ཉིད།། སྒོ་ལྔའི་རྟོག་པ་སྐྱེ་འགག
328b4 འཆར་ཞིང་ནུབ།། སྙིང་པོ་ཟང་ཐལ་ཉིད་དེ་སྐྱེ་འགག་མེད།། དུས་གསུམ་འདས་དང་མ་བྱོན་ད་ལྟར་གྱི།། ཐ་སྙད་མིང་ཡང་མི་གནས་འགྱུར་མེད་དེ།། ནམ་མཁའ་གུད་བཅད་མ་ཕུབ་ཟང་ཐལ་ལྟར།། སྤྲོས་མེད་ཐིག
328b5 ལེ་ཤེས་རབ་སྒོ་ནས་ཤར།། འོ་མའི་སྙིང་པོ་རྩི་མར་ཁྱབ་པ་ལྟར།། ནམ་མཁའི་རང་ལ་ཆོས་སྐུས་ཁྱབ་པ་དང་།། གདུལ་བྱ་ལ་སྣང་ཡེ་ཤེས་སྐུ་དང་ཆས།། དྲི་མེད་ཆུ་ལ་སྣང་བ་རང་བཞིན་མེད།། སྣང་སྟོང་དབྱེར་མེད
328b6 བདག་ཉིད་ཆེན་པོ་ཡིན།། བསྒོམ་ཞིང་བསྒྲུབ་པའི་ཆོས་མིན་ཡེ་གནས་པ།། ལྷུན་གྲུབ་ཉམ་ང་མེད་པའི་བསྒོམ་པ་དེངས།། ཐབས་ཀྱིས་བྱིང་རྒོད་གསལ་དུ་མེད་པ་སྟེ།། ངང་གིས་མཚན་ཉིད་ཞི་བས་བགྲོད་པ
iiif viewer powered by OpenSeadragon
