| e-texts navigator |
| Wylie |
328a1 བཞི་པའོ།། །། དེ་ནས་སྟོན་པས་འགྱུར་བ་མེད་པའི་ས་བཅུ་བཀའ་སྩལ་པ།། རྡོ་རྗེ་འཛིན་པ་ངེས་ཟུང་ཞིག། རང་བཞིན་དག་པའི་ནམ་མཁའ་ལ།། དྲི་མེད་དག་པའི་ཆོས་སྐུ་མཐོང་།། ཡེ་ཤེས
328a2 སྒྲིབ་པའི་དྲི་མ་ལ།། གདུལ་བྱ་ལས་སྣང་སྐུ་གཉིས་སྣང་།། བར་དུ་ཤེས་རབ་སྐུ་ལྔ་མཐོང་།། མཚན་ཉིད་ལྔ་ལྡན་ཡེ་ཤེས་མཐོང་། ཁྱད་པར་འཕགས་པའི་དོན་ཆེན་པོ།། རང་ལ་མཐོང་བས་རབ་ཏུ་དགའ།། ཆོས་ཉིད
328a3 མཐོང་བས་འབྱུང་བའི་དྲི་མ་མེད།། རིག་པའི་དོན་མཐོང་མཐའ་བཞི་དྲི་མ་དག། ཤེས་བྱའི་སྐུ་མཐོང་ཡིད་དང་མཚན་མ་དག། སྤྲུལ་པའི་སྐུ་མཐོང་སྟོང་པ་རེག་བྱའི་དྲི་མ་དག། ཡེ་ཤེས་དོན་མཐོང་གློ་བུར་མ་རིག
328a4 དག། དོན་རྣམས་ངེས་མཐོང་བློ་ཡི་ཐེ་ཚོམ་བྲལ།། དོན་ཕྱིར་རང་གི་རིག་པ་རང་གིས་རིག། ལུས་ཀྱིས་མ་བསྒྲིབས་ཡེ་ཤེས་སྒོ་ནས་མཁའ་ལ་འཆར།། ཤར་ཡང་དངོས་པོ་མེད་དེ་སྤྲོས་མེད་ཐིག་ལེའི་དོན།། ཉམས
328a5 ཤར་བ་དང་གོམས་པ་ཀ་ནས་དག། ཚུལ་ཁྲིམས་ཆེན་པོ་འཆང་བའི་མཆོག། གོང་ལྟར་སྦྱིན་པ་རྣམ་གཉིས་ཅིར་རྩལ་ཡང་།། དྲི་མེད་སྙིང་པོ་རང་སྣང་མཚན་མ་མེད།། དྲི་མ་མེད་པས་ཚུལ་ཁྲིམས་མཆོག། ཞེས
328a6 གསུངས་སོ།། ཚུལ་ཁྲིམས་ཀྱི་ལེའུ་སྟེ་ལྔ་པའོ།། །། རང་རིག་དྲི་མེད་ཆོས་སྐུ་ལ།། རིག་པའི་སྐུ་དང་འོད་ཀྱི་སྐུ།། མ་བཙལ་ཡེ་ནས་ལྷུན་གྲུབ་པས།། བྱ་བྱེད་འབད་རྩོལ་མི་གནས་པར།། འབྲས་བུ་སྐུ་དང་ཡེ
iiif viewer powered by OpenSeadragon
