| e-texts navigator |
| Wylie |
327b1 རགས་གསུམ་པོས་མི་བསྒྲིབས་པས།། དྲི་མེད་རིག་པའི་སྙིང་པོ་མཐོང་།། དེ་ཉིད་དབྱེར་མེད་ཟང་ཐལ་ལ།། མཐའ་བཞི་ཕྲ་རགས་དྲི་མ་གསུམ།། མ་བསྒྲིབས་ཆོས་སྐུ་ཇི་བཞིན་མཐོང་།། དེ་ནི་ཆོས་སྐུ་མཐོང་བའི
327b2 ལམ།། དེ་ཡི་མཚན་ཉིད་སྔར་གྲགས་པ།། དངོས་མཚན་ཡིད་ཀྱིས་མ་བསྒྲིབས་པས།། རིག་པ་དག་ལ་མ་འགགས་པར།། ཤེས་རབ་ངོ་བོ་སྐུར་གསལ་མཐོང་།། དེས་ནི་ལོངས་སྐུ་ངེས་མཐོང་ལམ།། སྟོང་པ་རེག་བྱ་མ
327b3 བསྒྲིབས་པར།། གདུལ་བྱ་ལ་སྣང་སྐུ་ལྔ་མཐོང་།། སྦྲུལ་སྐུ་ངེས་པར་མཐོང་བའི་ལམ།། གློ་བུར་མ་རིག་མ་བསྒྲིབས་པར།། དེ་ལྟར་གསུམ་ཉིད་ཡེ་ཤེས་ལྔ།། ལྔ་ཉིད་དྲི་མེད་སྐུ་གསུམ་འདུས།། ཡེ་ནས་ཇི་བཞིན
327b4 གནས་ལུགས་མཐོང་།། དེ་ནི་ཡེ་ཤེས་ངེས་མཐོང་ལམ།། དེ་ལྟར་དོན་མཐོང་འདུ་འབྲལ་མེད།། དབང་པོ་རབ་ལ་དགོངས་པ་གསལ།། འབྲིང་ལ་བསྒོམ་པའི་ཐབས་མཆོག་གསལ།། ལྟ་བསྒོམ་སྟོབས་ཀྱི་ཁྱད་པར
327b5 གྱིས།། ལྟ་བའི་གདེངས་གནས་བསྒོམ་ལམ་གནས།། བསྒོམས་པས་དངོས་པོ་དེ་བཞིན་ཉིད།། དེ་ནི་བསྒོམ་པ་ཞེས་བཤད་ན།། དྲི་མེད་སྐུ་དང་ཡེ་ཤེས་མངོན་འགྱུར་བས།། དེ་ནི་འབྲས་བུ་རང་རྫོགས་ཏེ།། མཐར
327b6 ཕྱིན་ལམ་ཏེ་ཛ་ལོག་གསུམ།། དེས་ནི་བགྲོད་མེད་ལམ་ཆེན་ལྔ།། ནམ་མཁའི་ལམ་ལ་རབ་ཏུ་གནས།། ཞེས་གསུངས་སོ།། འཇམ་དཔལ་དགོངས་པ་འདུས་པ་ལས། གསང་སྔགས་ཀྱི་དོན་ལམ་བསྟན་པའི་ལེའུ་སྟེ
iiif viewer powered by OpenSeadragon
