| e-texts navigator |
| Wylie |
326b1 གསུམ་དག་པས་འབྲས་བུ་རྣམ་པ་གསུམ།། རྒྱུ་དང་རྐྱེན་གྱི་ཕ་རོལ་ཕྱིན་པ་ཡིན།། ཆོས་སྐུ་གཉིས་མེད་འགྱུར་མེད་པས།། ལོངས་སྐུ་ཤེས་རབ་སྐུ་ལྔར་ཤར།། གདུལ་བྱ་དག་ལ་ཡེ་ཤེས་སྒྱུ་མའི་སྐུ།། རང་ལ་མེད་པར
326b2 གཞན་ལྟར་སྣང་བ་གདུལ་བྱར་སྐུ།། བྱད་དང་མེ་ལོང་ཇི་བཞིན་དུ།། སྐུ་གསུམ་འདུ་འབྲལ་མེད་པར་ཤར།། དེ་ནི་མྱང་འདས་སྤྱི་སར་ཤར།། ཆོས་ཅན་སྤྱི་སར་བཏང་བ་ཆོས་ཅན་ཉིད་དུ་གྲོལ།། རྒྱུ་རྐྱེན་གཉིས་ཀྱི་ཕ
326b3 རོལ་ཕྱིན།། མི་གནས་དམིགས་མེད་ཤེས་རབ་ཀློང་དུ་བཏང་།། སྦྱིན་བདག་ཆེན་པོ་གཙོ་བོ་ཡིན།། ཆོས་ཉིད་འབྱུང་བའི་དྲི་མ་དག། རིག་པ་སེམས་ཀྱི་དྲི་མ་དག། ཆོས་སྐུ་མཐའ་ཡི་དྲི་མ་དག། ཤེས་རབ་མཐའ་ཡི་དྲི
326b4 མ་དག། ཡེ་ཤེས་སྐུ་ལ་ཡིད་དང་མཚན་མ་དག། སྤྲུལ་པའི་སྐུ་ལ་རེག་བྱ་ཉོན་མོངས་དག། ཞི་བའི་སྐུ་ལ་ཕྱོགས་རིས་དག། ཉག་གཅིག་དོན་ལ་ཕྱོགས་རིས་དག། ཟང་ཐལ་དོན་ལ་སྐྱེ་འགག་མེད།། རང་བྱུང་དོན་ལ
326b5 འདུས་བྱས་དག། ལྷུན་གྲུབ་དོན་ལ་རེ་དོགས་དག། དག་པའི་དེ་དག་ཀྱང་ནི་ལོགས་ན་མེད།། དེ་ནས་ཡང་སྟོན་པས་བཀའ་སྩལ་པ།། རྡོ་རྗེ་འཛིན་པ་ངེས་ཟུང་ཞིག། ཉན་ཐོས་རང་རྒྱལ་བྱང་ཆུབ་སེམས།། མཆོག་ཏུ
326b6 གྱུར་བ་སེམས་དཔའ་ཉིད།། དེ་ཡི་འདོད་པ་ཤེས་རབ་ཕ་རོལ་ཕྱིན་པའི་ཆོས།། དུས་གསུམ་བདེ་གཤེགས་ཀུན་གྱི་ཡུམ།། སེམས་དཔའ་སེམས་མ་ཚོགས་ཀྱི་མེས།། རང་རྫོགས་ལྷུན་གྲུབ་དུས་གསུམ་འགྱུར་བ
iiif viewer powered by OpenSeadragon
