| e-texts navigator |
| Wylie |
326a1 གསལ།། ཤེས་རབ་སྐུ་ཡིས་མཚམས་སྦྱར་ནས།། དྲི་མེད་སྐུ་གསུམ་འདུ་འབྲལ་མེད།། གདུལ་བྱ་འོད་ཀྱི་སྐུ་མི་འགག། སྐུ་གཉིས་བདག་དང་གཞན་དོན་མཛད།། འདི་ནི་དགུ་པ་ལེགས་པའི་བློ་གྲོས
326a2 ས།། འཁོར་རྣམས་ཆོས་ལ་རིག་དབང་བསྐུར།། འདི་ནི་ས་བཅུ་ནོན་པ་སྟེ།། དེ་དག་འགྱུར་མེད་ཟང་ཐལ་ལ།། ཆོས་ཀྱི་སྐུ་སྟེ་བཅུ་གཅིག་པའོ།། མགོན་པོ་ས་བཅུའི་དབང་ཕྱུག་སྟེ།། ས་བཅུ་རྣམ་དག་བདག་ཉིད
326a3 ཅན།། ཞེས་གསུངས་སོ།། འཇམ་དཔལ་དགོངས་པ་འདུས་པ་ལས། སྦྱང་དུ་མེད་པའི་ས་བཅུ་བསྟན་པའི་ལེའུ་སྟེ་གསུམ་པའོ།། །། དེ་ནས་སྟོན་པས་བཀའ་སྩལ་པ།། ལག་ན་རྡོ་རྗེ་ངེས་ཟུང་ཞིག། གསང
326a4 སྔགས་མཐར་ཕྱིན་ཕ་རོལ་ཕྱིན་པ་བཅུ།། མི་གནས་ཕྱོགས་ལྷུང་མེད་པའི་ཤེས་རབ་ལས།། ཕྱོགས་མེད་ཡོན་ཏན་འཁོར་འདས་གཉིས་སུ་ཤར།། ཉི་མའི་སྙིང་པོ་རིན་ཆེན་བཞིན།། ཆོས་ཉིད་ཕྱིན་པར་ཆོས་ཅན་སྣ
326a5 ཚོགས་སྣང་།། རྒྱན་དང་རོལ་པར་སྣང་བའོ།། བཞི་གསུམ་མཚན་ཉིད་དང་ལྡན་པས།། འབྱུང་བཞི་མ་འགགས་ས་གཞི་བཞིན།། དེ་ལས་ལྷན་ཅིག་སྐྱེས་པ་དང་།། ཀུན་ཏུ་བརྟགས་གཉིས་སྔ་ཕྱིའི་ཚུལ།། འཁྲུལ་པའི
326a6 རྒྱུ་སྟེ་ས་བོན་བཞིན།། རྐྱེན་བཞིས་མཐུན་པའི་ཕན་རྐྱེན་བྱས།། དཔེར་ན་ཆུ་དང་ལུང་བཞིན་ནོ།། འཁྲུལ་གསུམ་འབྲས་བུའི་རྩི་ཐོག་བཞིན།། སྤྲུལ་པའི་སྐུ་ཡི་ཞིང་ཁམས་སོ།། དེ་ནི་འཁོར་བ་སྤྱི་སར་ཤར།། གཞི
iiif viewer powered by OpenSeadragon
