| e-texts navigator |
| Wylie |
325a1 འཇིགས་པར་བྱེད། ཁྲོ་བོ་རྒྱལ་པོ་གདོང་དྲུག་འཇིགས།། མིག་དྲུག་ལག་དྲུག་སྟོབས་དང་ལྡན།། ཀེང་རུས་མཆེ་བ་གཙིགས་པ་པོ།། ཧ་ལ་ཧ་ལ་གདོང་བརྒྱ་པ།། གཤིན་རྗེ་གཤེད་པོ་བགེགས་ཀྱི
325a2 རྒྱལ།། རྡོ་རྗེ་ཤུགས་ཅན་འཇིགས་བྱེད་པ།། རྡོ་རྗེ་གྲགས་པ་རྡོ་རྗེ་སྙིང་།། སྒྱུ་འཕྲུལ་རྡོ་རྗེ་གསུས་པོ་ཆེ།། རྡོ་རྗེ་ལས་སྐྱེས་རྡོ་རྗེའི་བདག། རྡོ་རྗེ་སྙིང་པོ་མཁའ་འདྲ་བ།། མི་གཡོ་རལ་པ་གཅིག་གིས་བསྒྱིངས།། གླང
325a3 ཆེན་ཀོ་རློན་གོས་སུ་གོན།། དྲག་ཆེན་ཧ་ཧ་ཞེས་སྒྲོགས་པ།། ཧི་ཧི་ཞེས་སྒྲོགས་འཇིགས་པར་བྱེད།། གད་མོ་ཆེན་མོ་གང་རྒྱངས་ཆེ།། རྡོ་རྗེ་གད་མོ་ཆེར་སྒྲོགས་པ།། རྡོ་རྗེ་ཧཱུཾ་སྟེ་ཧཱུཾ་ཞེས་སྒྲོགས།། མཚོན་དུ་རྡོ་རྗེའི
325a4 མདའ་ཐོགས་པ།། རྡོ་རྗེ་རལ་གྲིས་མ་ལུས་གཅོད།། རྡོ་རྗེ་ཀུན་འཆང་རྡོ་རྗེ་ཅན།། རྡོ་རྗེ་འབར་བ་མིག་མི་བཟད།། སྐྲ་ཡང་རྡོ་རྗེ་འབར་བ་སྟེ།། རྡོ་རྗེ་འབེབས་པ་འབེབས་པ་ཆེ།། མིག་བརྒྱ་པ་སྟེ་རྡོ་རྗེའི་མིག། ལུས
325a5 ནི་རྡོ་རྗེའི་བ་སྤུ་ཅན།། སེན་མོ་སྐྱེས་པ་རྡོ་རྗེའི་རྩེ།། རྡོ་རྗེའི་སྙིང་པོ་པགས་པ་མཁྲེགས།། རྡོ་རྗེའི་ཕྲེང་ཐོག་དཔལ་དང་ལྡན།། རྡོ་རྗེའི་རྒྱན་གྱིས་བརྒྱན་པ་སྟེ།། གད་རྒྱངས་ཧ་ཧ་ངེས་པར་སྒྲོགས།། འདི་ནི་ཐུགས་རྗེ
325a6 རང་བྱུང་སྟེ།། ཞི་བའི་སྐུ་ལས་མ་གཡོས་པར།། གདུག་པ་ཅན་ལ་དེ་ལྟར་སྣང་།། ལྷུན་གྲུབ་སྐུ་ནི་དུང་ཁང་དུ།། མ་བསྐྱེད་རྫོགས་པའི་ཀློང་ན་གསལ།། གཅིག་ནི་རིན་ཆེན་ཀློང་ན་གསལ།། གཉིས་ཀ་ཡེ་ཤེས་སྒོ
iiif viewer powered by OpenSeadragon
