| e-texts navigator |
| Wylie |
324b1 གསུམ་འཇིགས་པའི་སྐུ།། ཕྱག་དྲུག་ཞབས་བཞི་སྔ་མ་བཞིན།། དམར་པོ་བུམ་པ་མེ་རི་དམར་ནག་སྣང་།། སྣང་བ་མཐའ་ཡས་པདྨ་ཧེ་རུ་ཀ། དམར་ནག་དབུ་གསུམ་འཇིགས་པའི་སྐུ།། ཕྱག་དྲུག་ཞབས་བཞི་སྔ་མ
324b2 བཞིན།། ལྗང་གུ་བུམ་པ་མེ་རི་དམར་ནག་གསལ།། དོན་ཡོད་གྲུབ་པ་ཀརྨ་ཧེ་རུ་ཀ། ལྗང་ནག་བུམ་པ་དབུ་གསུམ་འཇིགས་པའི་སྐུ།། ཕྱག་དྲུག་ཞབས་བཞི་གདངས་ཤིང་བསྐྲད།། ཀུན་གྱི་ཕྱག་མཚན་རྣམ་པ
324b3 གསུམ།། ཡེ་ཤེས་རང་རྟགས་ཕྱག་མཚན་དང་།། གདུལ་བྱེད་དཔའ་རྟགས་ཕྱག་མཚན་དང་།། ཕྲ་མེན་རྦོད་གཏོང་ཕྱག་མཚན་རྣམས།། སོ་སོའི་རྟགས་དང་ཆ་འཛིན་པ།། ཡེ་ཤེས་རང་རྟགས་སོ་སོར་སྣང་། ཁྲོ་བོའི
324b4 ལུས་ཀྱི་གཟུགས་ལྡན་པ།། གཟུགས་ཆེ་ལུས་ཀྱང་ཆེ་བ་སྟེ། ཁ་དོག་ཆེ་ཞིང་ལུས་བོང་ཆེ།། རལ་པ་མུན་ཛ་ཅོད་པན་ཐོགས།། ཤེས་རབ་མཚོན་ཆེན་འཆང་བ་སྟེ།། ཡེ་ཤེས་མེ་ལྕེ་འོད་འབར་བ།། དཔའ་བོ་གདུལ
324b5 དཀའ་འདུལ་བ་པོ།། བདུད་བཞིའི་འཇིགས་པ་སེལ་བར་བྱེད།། བདུད་ཀྱི་དཔུང་རྣམས་ཕམ་བྱེད་པ།། བྱམས་དང་སྙིང་རྗེའི་དཀྱིལ་འཁོར་ཅན།། དཔལ་ལྡན་པདྨ་གར་གྱི་བདག། བརྟན་པོ་མི་སྡུག་གཟུགས་འཆང
324b6 བ།། ལག་པ་བརྒྱ་པོ་ཀུན་བསྐྱོད་ཅིང་།། གོམ་པའི་སྟབས་ཀྱིས་གར་བྱེད་པ།། དཔལ་ལྡན་ལག་པ་བརྒྱས་གང་བ།། ནམ་མཁའ་ཁྱབ་པའི་གར་བྱེད་པ།། རྫུ་འཕྲུལ་རྐང་པའི་སྟོབས་ཆེན་ལྡན།། རྡོ་རྗེ་འཇིགས་བྱེད
iiif viewer powered by OpenSeadragon
