| e-texts navigator |
| Wylie |
324a1 རང་བྱུང་དཀྱིལ་འཁོར་ཤར།། དོན་ལ་ཐ་དད་ཡོད་པ་མིན།། གཉིས་མེད་གཉིས་སུ་མེད་པར་སྟོན།། སྦྲུལ་སྒྲ་མཐུན་པར་སྣང་བའོ།། རིག་པ་ཆོས་ཉིད་དབྱེར་མེད་པས།། དྲི་མ་དྲུག་བྲལ་ཆོས་ཀྱི
324a2 སྐུ།། དེ་ཉིད་ཕྲ་རགས་དྲི་མ་དག། ཕྲ་ཞིང་ཟག་མེད་ས་བོན་བྲལ།། དེ་ཡི་མཚན་ཉིད་རྣམ་པ་ལྔ།། རིག་པ་ཤར་བ་རིགས་ལྔའི་སྐུ།། གདུལ་བྱ་ལ་སྣང་འབྱུང་བ་བཞི།། འབྱེད་མེད་ཤེས་རབ་སྐུ་གསལ་བས།། མཚན
324a3 མའི་ཕྱག་རྒྱ་མི་གནས་པ།། མཁྱེན་པའི་ཡེ་ཤེས་ཕྱག་རྒྱ་གསལ།། ལུས་མེད་ལུས་ཏེ་ལུས་ཀྱི་མཆོག། ལུས་ཀྱི་མཐའ་ནི་རྟོགས་པ་པོ།། གདུལ་བྱ་ལ་སྣང་ཡེ་ཤེས་སྐུ།། ནམ་མཁའ་ལས་བྱུང་རང་བྱུང་བ།། ཤེས་རབ་ཡེ
324a4 ཤེས་མེ་བོ་ཆེ།། ཡེ་ཤེས་ཀྱི་ནི་དངས་མ་ལ།། ཡོན་ཏན་སྐུ་ལྔས་རབ་ཏུ་བརྒྱན།། འདི་ནི་རྟགས་དང་ཆ་འཛིན་སྒྲ།། ཆོས་སྐུ་ཡེ་ནས་གཞི་ཉིད་ལ།། ལོངས་སྐུ་མཁྱེན་པའི་ཤེས་རབ་སྟེ།། སྦྲུལ་སྐུས་ཕྱིར་གསལ་དོན་བྱེད
324a5 ནུས།། མཐིང་གའི་བུམ་པ་མེ་ལོང་ཡེ་ཤེས་སྣང་།། སྣང་མཛད་བུདྡྷ་ཧེ་རུ་ཀ། སྨུག་ནག་དབུ་གསུམ་འཇིགས་པའི་གཟུགས།། ཕྱག་དྲུག་ཞབས་བཞི་གདངས་ཤིང་བསྐྲད།། མཐིང་ག་བུམ་པ་མེ་རི་མཐིང་ནག
324a6 སྣང་།། མི་བསྐྱོད་བཛྲ་ཧེ་རུ་ཀ། མཐིང་ནག་དབུ་གསུམ་འཇིགས་པའི་གཟུགས།། ཕྱག་དྲུག་ཞབས་བཞི་གདངས་ཤིང་བསྐྲད།། སེར་པོ་བུམ་པ་མེ་རི་སེར་ནག་སྣང་།། རིན་ཆེན་འབྱུང་ལྡན་ཧེ་རུ་ཀ། སེར་ནག་དབུ
iiif viewer powered by OpenSeadragon
