| e-texts navigator |
| Wylie |
323b1 དག་པས།། བྱད་བཞིན་རྣམ་པ་གསལ་མི་ནུས།། མེ་ལོང་གཡའ་དང་བྲལ་བ་ལ།། བྱད་ཀྱི་དྲི་མ་དག་པ་གསལ།། ཆོས་ཉིད་རིག་པ་མ་བྲལ་ཡང་།། འབྱུང་བ་ཕྲ་རགས་རྣམ་པ་དང་།། སེམས་རྟོག་ཕྲ་རགས་རྣམ་པ
323b2 གསུམ།། ཆོད་པས་སྐུ་དང་དངས་མ་གསལ།། གཉིས་པོ་ཕྲ་རགས་ལྔ་དག་ནས།། བཙལ་དང་འོང་བ་མེད་བཞིན་དུ།། རྟོག་མེད་ཡེ་ཤེས་སྣང་བ་གསལ།། རྡུལ་མེད་རྡུལ་བྲལ་དྲི་མ་མེད།། རྣམ་པར་དག་པ་བདག
323b3 མེད་ཆོས།། རྫོགས་པའི་སངས་རྒྱས་ཨ་ལས་བྱུང་།། ཨ་ནི་ཡིག་འབྲུ་ཀུན་གྱི་མཆོག་ཁོང་ནས་འབྱུང་བ་སྐྱེ་བ་མེད།། ཚིག་ཏུ་བརྗོད་པ་སྤང་བ་སྟེ།། བརྗོད་པ་ཀུན་གྱི་རྒྱུ་ཡི་མཆོག། ཚིག་ཀུན་རབ་ཏུ་གསལ་བར
323b4 བྱེད།། མཆོད་པ་ཆེན་པོ་འདོད་ཆགས་ཆེ།། སེམས་ཅན་མ་ལུས་དགའ་བར་བྱེད།། མཆོད་པ་ཆེན་པོ་ཞེ་སྡང་ཆེ།། ཉོན་མོངས་ཀུན་གྱི་དགྲ་ཆེ་བ།། མཆོད་པ་ཆེན་པོ་གཏི་མུག་ཆེ།། གཏི་མུག་བློ་སྟེ་གཏི་མུག
323b5 སེལ།། མཆོད་པ་ཆེན་པོ་ཁྲོ་བ་ཆེ། ཁྲོ་བ་ཆེན་པོ་དགྲ་ཆེ་བ།། མཆོད་པ་ཆེན་པོ་ཆགས་པ་ཆེ།། ཆགས་པ་ཐམས་ཅད་འཇོམས་པ་པོ།། མེད་པ་ལས་བྱུང་ཁྱོད་ལ་འདུད།། ནམ་མཁའ་ལས་བྱུང་ཁྱོད་ལ་འདུད།། ཡེ་ཤེས
323b6 ལས་བྱུང་ཁྱོད་ལ་འདུད།། ཅེས་གསུངས་སོ།། འཇམ་དཔལ་དགོངས་པ་འདུས་པ་ལས། སྐུ་ཡི་ཆ་ལུགས་བསྟན་པའོ།། དེ་ནས་ཡང་གསང་བའི་བདག་པོས་བཀའ་སྩལ་པ།། གདུལ་བྱ་ཁྲོ་བོར་སྣང་བ་ལ།། ཐུགས་རྗེ
iiif viewer powered by OpenSeadragon
