| e-texts navigator |
| Wylie |
323a1 ལ།། ལྷུན་གྲུབ་སྐུ་ཡི་དོན་བསྟན་པ།། ཆོས་སྐུ་དངོས་མེད་ཟང་ཐལ་ལ།། དྲི་མ་མི་གནས་རྣམ་པར་དག། དེ་ཡི་མཚན་ཉིད་རྣམ་པ་ལྔ།། སྟོང་དང་མི་འགྱུར་ཡོན་ཏན་འབྱུང་།། རྩལ་འབྱིན་ཐོགས་པ་མེད
323a2 པ་ལས།། ཏིང་འཛིན་རིག་དང་རྒྱུད་རིག་པ།། ཏིང་འཛིན་ལུས་ཅན་ལུས་ཀྱི་མཆོག། ཤེས་རབ་རིག་པའི་སྐུ་ལྔ་གསལ།། དེ་ལ་གདུལ་བྱ་རྣམ་གཉིས་པ།། གཅིག་ལས་མི་གཡོ་སྐུ་གཉིས་སྣང་།། སོ་སོར་མི་གནས
323a3 གཅིག་གི་ངང་།། སོ་སོ་རང་རིག་མི་གཡོ་བ།། མཆོག་གི་དང་པོ་སྐུ་གསུམ་འཆང་།། ཡེ་ཤེས་གཉིས་མེད་ཚུལ་འཆང་བ།། རྣམ་པར་རྟོག་མེད་ལྷུན་གྱིས་གྲུབ།། ཞི་བའི་ཐབས་ཀྱི་གདུལ་བ་ལ།། ཡེ་ཤེས་བུམ་པའི་ཀློང
323a4 ཡངས་སུ།། ཡེ་ཤེས་ལྔ་ཡི་བདག་ཉིད་ཅན།། ཡེ་ཤེས་སྐུ་སྟེ་རང་བྱུང་བ།། སངས་རྒྱས་རྣམ་པར་སྣང་མཛད་ཆེ།། གདོང་ལྔ་གཙུག་ཕུད་ལྔ་དང་ལྡན།། ཡེ་ཤེས་སྣང་བ་ལམ་མེ་བ།། འོད་ཆེན་རྣམ་པར་སྣང་བར
323a5 བྱེད།། གཟི་བརྗིད་ཆེན་པོར་ལྟ་ན་སྡུག། སུམ་ཅུ་རྩ་གཉིས་མཚན་འཆང་བ། ཁ་དོག་སྣ་ཚོགས་འབར་བའི་འོད།། རྡོ་རྗེ་སྐྱིལ་ཀྲུང་རྫོགས་སངས་རྒྱས།། བཅུ་དྲུག་ཕྱེད་ཕྱེད་ཐིག་ལེ་ཅན།། དཀྱིལ་འཁོར་ཆེན་པོ་ཡངས
323a6 པ་ཡིན།། ཡེ་ཤེས་གདངས་ཀྱི་ཕུང་པོ་ལྔ།། ལྔ་ཡི་བདག་ཉིད་བཅུ་མིང་ཅན།། སངས་རྒྱས་སྐུ་ལྔའི་བདག་འཛིན་པ།། དྲི་མེད་དག་པའི་མཁའ་ལ་གསལ།། བྱད་དང་མེ་ལོང་དུས་མཚུངས་ཀྱང་།། གཡའ་དང་དྲི་མ་མ
iiif viewer powered by OpenSeadragon
