| e-texts navigator |
| Wylie |
322b1 འཚལ།། ཞེས་ཞུས་པས།། བཅོམ་ལྡན་འདས་རྡོ་རྗེ་སེམས་དཔའི་ཐུགས་ཉིད་ཀྱི་གསང་མཛོད་སྒོ་ཕྱེ་སྟེ།། ཡེ་ཤེས་རླུང་གི་བུམ་པ་དྲིལ།། ལྗགས་ཀྱི་རྩེ་ནས་གསུང་གི་འོད་འཕྲོ་བ།། རིང་ཞིང་ཡངས་པ་བཀྲུང་མཛད
322b2 དེ།། འཇིག་རྟེན་གསུམ་པོ་སྣང་བྱེད་ཅིང་།། བདུད་བཞིའི་དགྲ་རྣམས་འདུལ་བྱེད་པ།། སེམས་ཅན་རྣམས་ཀྱི་ངན་སོང་གསུམ།། སྦྱོང་བར་བྱེད་པའི་འཛུམ་བསྟན་ནས།། ཚངས་པའི་གསུང་ནི་སྙན་པ་ཡིས།། རྡོ་རྗེ
322b3 འཛིན་ལ་འདི་སྐད་གསུངས།། འཇམ་དཔལ་ཡེ་ཤེས་སེམས་དཔའ་ཡི།། མིང་ནི་ཡང་དག་བརྗོད་པའི་མཆོག། དག་པར་བྱེད་ཅིང་སྡིག་སེལ་བ།། དེ་ཡི་དགོངས་པ་འདུས་པའི་དོན།། ང་ལས་ཉན་པར་བརྩོན་པ
322b4 ནི།། ལེགས་སོ་དཔལ་ལྡན་རྡོ་རྗེ་འཆང་།། འཇམ་དཔལ་དགོངས་པ་ངས་བཤད་དོ།། ཞེས་གསུངས་སོ།། འཇམ་དཔལ་དགོངས་པ་འདུས་པ་ལས།། གླེང་གཞི་དང་མཚན་གྱི་ལེའུ་སྟེ་དང་པོའོ།། །། དེ་ནས
322b5 སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་ཟུང་ཞིག། གསང་སྔགས་ཕྱི་ནང་བསྐྱེད་རྫོགས་གཉིས།། མཚན་བརྗོད་ཉིད་དུ་འཕྲོ་ཞིང་འདུ། འདི་རུ་དེ་ཡི་དགོངས་པ་འདུས། གསང་སྔགས་འབྲས་བུ་ལམ་ཁྱེར
322b6 ལྔ།། སྐུ་གསུམ་ཡེ་ཤེས་ལྔ་ཡི་བདག། ལེ་ནས་ལྷུན་གྲུབ་མ་ཤེས་པར།། སོ་སོའི་ཡན་ལག་ཡིག་འབྲུ་བསྐྱེད།། མཚན་མའི་ཆོས་ལ་བློ་ཞེན་པས།། ཡང་དག་ལམ་མཆོག་དེ་མ་བསྐྱེད།། དེ་ཡང་ཟག་བཅས་འཇིག་རྟེན
iiif viewer powered by OpenSeadragon
