| e-texts navigator |
| Wylie |
319b1 བཤད།། ང་རྒྱལ་མཉམ་ཉིད་ཡེ་ཤེས་ཏེ།། རིན་ཆེན་ཡོན་ཏན་རིགས་ཡིན་པས།། ཡོན་ཏན་ཆེ་བ་གཙོར་སྟོན་ཕྱིར།། མཉམ་ཉིད་ཡེ་ཤེས་ལེའུ་བཤད།། ཕྲག་དོག་བྱ་གྲུབ་ཡེ་ཤེས་ཏེ།། སེམས་ཅན་ཀུན་གྱི་དོན་བྱེད
319b2 པས།། མཛད་པ་རྒྱ་ཆེར་སྟོན་པའི་ཕྱིར།། བྱ་གྲུབ་ཡེ་ཤེས་ལེའུ་བཤད།། འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས།། ལེའུ་དྲུག་གི་ཡེ་ཤེས་ཀྱི་འཐད་པ་བསྟན་པའི་ལེའུ་སྟེ་བདུན
319b3 པའོ།། །། དེ་ནས་བཅོམ་ལྡན་འདས་ཀྱིས་བཀའ་སྩལ་པ།། གསང་བའི་བདག་པོ་དེ་ཉོན་ཅིག། རིགས་དང་ཡེ་ཤེས་གོ་རིམ་ནི།། རིགས་དྲུག་ལ་ནི་གཟིགས་སྐབས་སུ།། ཐོག་མར་ལས་ཀྱི་རིགས་བསྟན
319b4 པ།། ཐེག་ཆེན་གཞན་དོན་གཙོ་ཆེར་བྱེད།། སྔགས་དྲུག་བསྟན་པའི་སྐབས་དག་ཏུ།། ཐོག་མར་པདྨའི་རིགས་སྨོས་ལ།། ཆོས་ཀྱི་སྦྱིན་པ་མཆོག་ཡིན་ནོ།། གསུང་གིས་འགྲོ་བ་འདྲེན་ཕྱིར་རོ།། ཡེ་ཤེས་དྲུག་གི་ལེའུའི
319b5 སྐབས།། རིགས་ལྔ་ཡེ་ཤེས་ལྔ་རྣམས་ཀྱི།། བཞི་པའི་རྩ་བར་གྱུར་བའི་ཕྱིར།། ཐོག་མ་ཉིད་དུ་བསྟན་པ་ཡིན།། འདུད་ཀྱིས་བསྟོད་པའི་སྐབས་དག་ཏུ།། དེ་བཞིན་གཤེགས་པའི་རིགས་བདག་ཉིད།། ཆོས་དབྱིངས་ཡེ
319b6 ཤེས་བསྟན་པ་ཡིན།། རྟོག་པར་བྱ་བའི་ཡུལ་དང་ཕྱིར།། ཐོག་མར་ཆོས་དབྱིངས་ཡེ་ཤེས་བཤད།། རྡོ་རྗེ་རྣམས་ནི་རྟེན་འབྲེལ་སྦྱར།། དེ་ལས་གཞན་པའི་ཡེ་ཤེས་ལྔ།། རྟོགས་བྱ་རྟོགས་བྱེད་དག་ཏུ་སྦྱར།། བསྡུས་དང
iiif viewer powered by OpenSeadragon
