| e-texts navigator |
| Wylie |
319a1 ནི།། ཉམས་སུ་བླངས་པའི་ཐབས་དག་དང་། ཉམས་སུ་བླངས་པའི་འབྲས་བུའོ།། དམིགས་པའི་ཡུལ་ལ་རྣམ་གསུམ་སྟེ།། སྡུད་པའི་འཁོར་ལ་དམིགས་པ་དང་།། སྟོན་པ་ཉིད་ལ་དམིགས་པ
319a2 དང་།། རིགས་དྲུག་འབྲས་བུ་ལ་དམིགས་པའོ།། ཉམས་སུ་བླངས་ཐབས་ལེའུ་དགུ།། ཉམས་སུ་བླངས་པའི་འབྲས་བུ་ལ།། རྣམ་པ་གཉིས་སུ་ཤེས་བྱ་སྟེ།། བསྒྲུབ་དང་བཤད་པའི་འབྲས་བུའོ།། བསྒྲུབ་པའི་འབྲས་བུ
319a3 ཕན་ཡོན་ལེའུ།། བཤད་པའི་འབྲས་བུ་རྗེས་ཡི་རང་བའི་ལེའུའོ།། འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས།། ལེའུའི་སྐབས་ཕྱེ་བའི་ལེའུ་སྟེ་དྲུག་པའོ།། །། བཅོམ་ལྡན་འདས་ཀྱིས
319a4 བཀའ་སྩལ་པ།། གསང་བའི་བདག་པོ་ཡང་ཉོན་ཅིག། ཡེ་ཤེས་དྲུག་གི་ལེའུ་བསྟན་པ་ནི།། དེ་ཡི་འཐད་པ་བཤད་བྱ་བ།། འཁོར་འདས་ལམ་དང་འབྲས་བུའི་ཆོས།། ཀུན་གྱི་རྩ་བར་གྱུར་པའི་ཕྱིར།། རྩ་བ་བྱང་ཆུབ
319a5 སེམས་ཀྱི་ལེའུ་བཤད།། གཏི་མུག་ཆོས་དབྱིངས་ཡེ་ཤེས་ཏེ།། རབ་ཏུ་ཕྱེ་བའི་རྣམ་གྲངས་ཀུན།། གཏི་མུག་གཉེན་པོ་ཡིན་པའི་ཕྱིར།། ཆོས་དབྱིངས་ཡེ་ཤེས་ལེའུ་བཤད།། ཞེ་སྡང་མེ་ལོང་ཡེ་ཤེས་ཏེ།། རྟོགས་པས
319a6 ཉོན་མོངས་མ་ལུས་འཇོམས། འཇོམས་ཕྱིར་དྲག་པོའི་སྒྲ་ཡིས་བཤད།། འདོད་ཆགས་ཀུན་རྟོགས་ཡེ་ཤེས་ཏེ།། སྤྱི་དང་རང་གི་མཚན་ཉིད་རྣམས།། མཁྱེན་ཚད་གཙོ་ཆེར་བཤད་པའི་ཕྱིར།། སོ་སོར་རྟོགས་པའི་ལེའུ
iiif viewer powered by OpenSeadragon
