| e-texts navigator |
| Wylie |
317b1 བཀའ་སྩལ་པ།། ལག་ན་རྡོ་རྗེ་ཁྱོད་ཉོན་ཅིག། སླད་དུ་རྒྱུད་ཀྱི་མཚན་སྨོས་པ།། དབང་པོ་རབ་ཀྱི་དོན་འགྱུར་ཕྱིར།། འཕགས་པའི་དོན་དང་འཇམ་དཔལ་དོན།། མཚན་གྱི་དོན་དང་བརྗོད་ཐབས་དོན།། རྣམ་པ་བཞི
317b2 ཡིས་བཤད་པ་ཡིན།། འཕགས་པའི་དོན་ལ་རྣམ་གསུམ་སྟེ།། བྱེད་པའི་ཚིག་བཞི་དབྱེ་སྒོ་བཞི།། ཐབས་ཀྱི་ཁྱད་པར་རྣམ་བཞི་འཕགས།། དེ་ལ་བྱེད་པའི་ཚིག་བཞི་ནི།། གང་འཕགས་གང་ལས་གང་གིས
317b3 འཕགས།། གང་དང་འདྲ་བར་འཕགས་པའོ།། དབྱེ་སྒོ་རྣམ་པ་བཞི་དག་ནི།། བརྗོད་བྱ་རྗོད་བྱེད་སྒྲུབ་པ་ལམ།། མཐར་ཟུག་འབྲས་བུས་འཕགས་པའོ།། ཐབས་ཀྱི་ཁྱད་པར་བཞི་དག་ནི།། འཇམ་དཔལ་དོན་གྱི
317b4 མཚན་བརྗོད་པའི།། རྒྱུད་ཀྱི་རྒྱལ་པོ་ལྷུན་རྫོགས་ནི།། ཐབས་མང་པ་དང་མཁས་པ་དང་།། དེ་བཞིན་སླད་དང་མྱུར་བ་ཡིས།། སྔགས་ཀྱི་བསྟན་པ་ཁྱད་པར་འཕགས།། དེ་ཡང་རྒྱུད་རྒྱལ་ལྷུན་རྫོགས་འདི།། ཐབས
317b5 མང་བ་ཡི་རྒྱུད་ཡིན་པས།། ཇི་ལྟར་བསྒྲུབས་ཀྱང་འབྲས་བུ་འབྱུང་།། ཐེག་པ་སྣ་ཚོགས་ཐབས་ཚུལ་གྱིས།། འགྲོ་བའི་དོན་ལ་རྟོགས་པ་པོ།། ཐབས་མཁས་པ་ཡི་རྒྱུད་ཡིན་པས།། མ་ཡེང་ཡེ་ཤེས་རྒྱུན་དུ་འཆར།།
317b6 མཁས་པ་ཆེན་པོ་འདོད་ཆགས་ཆེ།། སེམས་ཅན་ཐམས་ཅད་དགའ་བར་བྱེད།། ཐབས་སླ་བ་ཡི་རྒྱུད་ཡིན་པས།། བཀའ་ཐུབ་སྡོམ་པས་གཟིར་མི་དགོས།། ཤེས་རབ་ཆེན་པོས་སྐད་ཅིག་ལ།། ཆོས་ཀུན་ཁོང་དུ་ཆུད
iiif viewer powered by OpenSeadragon
