| e-texts navigator |
| Wylie |
316b1 སེམས།། ངོ་བོ་གང་དམིགས་དོན་དག་ལ།། བསམ་པ་རྩེ་གཅིག་གནས་བྱའོ།། ངེས་ཚིག་དྲན་པས་ཟིན་ཕྱིར་རོ།། དབྱེ་བ་གཉིས་སུ་ཤེས་བྱ་སྟེ།། ཟབ་མོ་མཚན་མེད་ཏིང་འཛིན་དང་།། རྒྱ་ཆེན་མཚན་བཅས་ཏིང
316b2 འཛིན་ནོ།། སྒོམ་ཐབས་རིམ་དང་ཅིག་ཅར་རོ།། དཔེ་ན་རྒྱ་མཚོ་རི་དབང་དང་།། འཇའ་ཚོན་རི་མོ་ལྟ་བུའོ།། མི་མཐུན་ཕྱོགས་ནི་བྱིང་རྒོད་གཉིས།། བཅོས་ཐབས་གསེང་དང་རྒོད་ཞི་ལ།། དྲོད་ཚད་ཕྱི་ནང་གསང
316b3 བའོ།། རྟགས་ཀྱང་རྨི་ལམ་འབྱུང་བ་དང་།། དངོས་སུ་འབྱུང་བ་གཉིས་ཡིན་ཏེ།། ཆགས་སྡང་ཆུང་ཞིང་མངོན་ཤེས་འཆར།། དེ་སོགས་རྟགས་ནི་རིམ་གྱིས་འབྱུང་།། ཏིང་འཛིན་བསྒོམས་པའི་ཕན་ཡོན་ནི།། མཚན་མ
316b4 ཅན་གྱིས་མཐོ་རིས་དང་།། ཚེ་ལ་དབང་བའི་རིག་འཛིན་དང་།། ཕྱག་རྒྱ་ཆེན་པོའི་རིག་འཛིན་ཐོབ།། ཟབ་མོ་མཚན་མེད་དགོངས་པ་ཡིས།། ཀུན་བཟང་དབྱེར་མེད་ས་ཆེན་ནོན།། ཏིང་འཛིན་མེད་པའི་ཉེས་དམིགས
316b5 ནི།། འཁོར་བ་ངན་སོང་ལས་མི་གྲོལ།། ཏིང་འཛིན་ལུས་ཅན་ལུས་ཀྱི་མཆོག། ཏིང་འཛིན་འདི་ནི་མཆོག་ཏུ་བསྔགས།། མཆོད་པའི་བྱེ་བྲག་རྣམ་གཉིས་ཏེ།། ཟབ་པ་དོན་གྱི་མཆོད་པ་དང་།། ཐུན་མོང་སྤྱི་བཤད་མཚན
316b6 ཉིད་ཆེ།། ཟབ་མོ་གཉིས་མེད་དང་གནས་པ།། རྒྱལ་བ་ངང་གིས་མཉེས་པའི་ཕྱིར།། མཆོད་པ་ཞེས་ནི་བཤད་པ་ཡིན།། རྒྱ་ཆེན་དབྱེ་བ་དོན་བཅུ་སྟེ།། ངོ་བོ་ངེས་ཚིག་དབྱེ་བ་དང་།། དབུལ་པའི་ཐབས་དང་གང་ཟག།
iiif viewer powered by OpenSeadragon
