| e-texts navigator |
| Wylie |
316a1 གཉིས་ཡིན་ཏེ།། མཚན་མར་བཅས་པའི་ཕྱག་རྒྱ་དང་།། མཚན་མ་མེད་པའི་ཕྱག་རྒྱའོ།། རྒྱས་པར་དབྱེ་བ་རྣམ་བཞི་སྟེ།། ཕྱག་རྒྱ་ཆེ་དང་དམ་ཚིག་རྒྱ།། ཆོས་དང་ལས་ཀྱི་ཕྱག་རྒྱའོ།། ཕྱག་རྒྱའི་མཚན
316a2 ཉིད་བཤད་བྱ་བ།། མཚན་བཅས་ཕྱག་རྒྱའི་མཚན་ཉིད་ནི།། རང་རང་དོན་ལས་མི་འདའ་དང་།། བདག་ཉིད་ཆེན་པོའི་རྟགས་སུ་སྟོན།། མཚན་མེད་ཕྱག་རྒྱའི་མཚན་ཉིད་ནི།། ཅིར་ཡང་མ་གྲུབ་ངོ་བོ་ཉིད།། ཕྱག་རྒྱ
316a3 ཆེན་པོའི་མཚན་ཉིད་ནི།། ཡོངས་སུ་རྫོགས་པ་སྟོང་བདག་མེད།། དམ་ཚིག་ཐུགས་མཚན་མཚན་མའོ།། ཆོས་ནི་ཆོས་ཀྱི་མཚན་མའོ།། ལས་ནི་འགྲོ་དོན་མཚན་ཉིད་དོ།། དཔེ་ནི་རྣམ་པ་བཞིར་བཤད་དེ།། མཚོན་དཔེ
316a4 མེ་དང་དུ་བའོ།། མཛད་པ་བློན་པོའི་ཕོ་ཉའོ།། བཅིང་གྲོལ་གར་མཁན་ཕུ་དུད་དོ།། རྒྱས་འདེབས་རྒྱལ་པོའི་བཀའ་རྟགས་སོ།། རྒྱུ་ནི་བྱང་ཆུབ་སེམས་ཉིད་དང་།། རྡོ་རྗེ་ཐལ་མོ་ཉིད་ཡིན་ནོ།། ཕན་ཡོན་བདག་དང
316a5 གཞན་དོན་འགྲུབ།། ཕྱག་རྒྱ་མི་ལྡན་ཉེས་དམིགས་ནི།། བདག་གཞན་དོན་མིན་ངན་སོང་འཁྱམས།། ཕྱག་རྒྱ་བཞི་ཡི་དོན་སྟོན་པ།། ཕྱག་རྒྱ་འདི་ནི་བླ་ན་མེད།། ཏིང་འཛིན་བསྟན་པ་བཅུ་གཉིས་ཏེ།། རྒྱུ་དང་ངོ་བོ
316a6 ངེས་ཚིག་དང་།། དབྱེ་བ་བསྒོམ་ཐབས་བསྒོམ་པའི་དཔེ།། མི་མཐུན་ཕྱོགས་དང་སྐྱོན་བཅོས་ཐབས།། དྲོད་ཚད་རྟགས་དང་ཕན་ཡོན་དང་།། ཉེས་དམིགས་བསྟན་པར་ཤེས་པར་བྱ།། རྒྱུ་ནི་རིག་པ་བྱང་ཆུབ
iiif viewer powered by OpenSeadragon
