| e-texts navigator |
| Wylie |
315b1 སྔགས་རྟགས་ནི་ལྷ་མོ་དང་།། གཟུངས་སྔགས་ཡབ་ཡུམ་ཟུང་དུ་འབྲེལ།། མཚན་ཉིད་བསྟན་པ་རྣམ་བཞི་སྟེ།། ཤེས་རབ་དང་ནི་སྙིང་རྗེ་ཉིད།། གསང་སྔགས་དག་གི་མཚན་ཉིད་ཡིན།། ཤེས་རབ་དང་ནི་ཡེ་ཤེས
315b2 ཉིད།། རིག་སྔགས་ཀྱི་ནི་མཚན་ཉིད་དེ།། ཤེས་རབ་དང་ནི་དྲན་པ་ཉིད།། གཟུངས་སྔགས་ཀྱི་ནི་མཚན་ཉིད་ཡིན།། བཟླས་པ་སྔགས་ཀྱི་མཚན་ཉིད་ནི།། བརྗོད་པ་སྒྲ་ཡི་བདག་ཉིད་དོ།། དངོས་གྲུབ་གཉིས་པོ་འགྲུབ
315b3 པ་ནི།། དེ་ནི་སྔགས་ཀྱི་ཕན་ཡོན་ནོ།། སྔགས་དང་མི་ལྡན་ཉེས་དམིགས་ནི།། འདོད་པའི་དོན་རྣམས་མི་འགྲུབ་བོ།། སྔགས་མཆོག་སྔགས་བདག་རིག་སྔགས་རྒྱལ།། གསང་སྔགས་རྒྱལ་པོ་དོན་ཆེན་བྱེད།། ཕྱག་རྒྱའི
315b4 དོན་ལ་རྣམ་གཉིས་ཏེ།། ཟབ་མོའི་དོན་དང་རྒྱ་ཆེར་བཤད།། སྣ་ཚོགས་སྣང་བའི་ཆོས་རྣམས་ལ།། སྐྱེ་བ་མེད་པའི་རྒྱ་ཡིས་བཏབ།། དེ་ནི་དོན་ཟབ་ཕྱག་རྒྱའོ།། རྒྱ་ཆེར་བཤད་པ་དོན་བརྒྱད་དེ།། ངོ་བོ་ངེས་ཚིག
315b5 དབྱེ་བ་དང་།། མཚན་ཉིད་དཔེ་དང་ཕྱག་རྒྱའི་རྒྱུ།། ཕན་ཡོན་མ་ལྡན་ཉེས་དམིགས་སོ།། ངོ་བོ་བདག་ཉིད་ཆེན་པོའོ།། མཚན་མའི་གཟུགས་སུ་གྱུར་པའོ།། སེམས་ཀྱིས་སྤྲུལ་པའི་མཆོད་རྫས་སོ།། མཚན་མེད་པ་ཡི
315b6 བདག་ཉིད་དོ།། ངེས་ཚིག་མུ་དྲ་ཞེས་པའི་སྒྲ།། མཚོན་པར་བྱེད་དང་མཛད་པ་སྒྲུབ།། བཅིངས་གྲོལ་བྱེད་དང་རྒྱས་འདེབས་ཕྱིར།། ཕྱག་རྒྱ་ཞེས་ནི་བཤད་པ་ཡིན།། དབྱེ་ན་བསྡུས་དང་རྒྱས་པ་དང་།། བསྡུས་པ་ལ་ནི
iiif viewer powered by OpenSeadragon
