| e-texts navigator |
| Wylie |
314b1 ཉེན་པའོ།། བསྙེན་པ་རྫོགས་ཤིང་ནུས་པར་ལྡན།། མོས་པའི་གང་ཟག་ཡིན་པར་གསུངས།། ཕྲིན་ལས་བརྩམ་ཚུལ་རྣམ་གཉིས་ཏེ།། ནང་དང་ཕྱི་རུ་ཤེས་པར་བྱའོ།། ནང་ནི་ཤེས་རབ་ཏིང་འཛིན་དང་།། བཟླས་པ
314b2 དག་ལ་བརྟེན་པའོ།། ཕྱི་ནི་སྦྱིན་བསྲེག་ཕུར་བུ་དང་།། ཐུན་དང་གཏོར་མ་དཀྱིལ་འཁོར་དང་།། མནན་གཏད་སྤྱོད་ལ་སོགས་པ་བསྟན།། ཕྲིན་ལས་བརྩམ་པའི་ཕན་ཡོན་ནི།། བདག་གཞན་དོན་ནི་འགྲུབ
314b3 པའོ།། ལས་མ་བརྩམས་པའི་ཉེས་དམིགས་ནི།། བདག་གཞན་པར་ཆོད་དོན་མི་འགྲུབ།། བྱེད་པ་སེམས་ཅན་ཀུན་དོན་བྱེད།། སྔགས་ལ་རྣམ་པ་གཉིས་ཡིན་ཏེ།། ཟབ་པའི་སྔགས་དང་རྒྱ་ཆེའི་སྔགས།། ཟབ་པའི
314b4 སྔགས་ནི་གཉིས་མེད་དོ།། གསང་བ་སྔགས་ཞེས་བཤད་པ་ཡིན།། རྒྱ་ཆེའི་སྔགས་ལ་དོན་བཅུ་སྟེ།། སྔགས་ཀྱི་དོན་ལ་བཅུ་ཡིས་བསྟན།། རྒྱུ་དང་དབྱེ་བ་ངོ་བོ་དང་།། ངེས་ཚིག་བཟླ་ཐབས་བྱེད་པའི་ལས།། རྟགས
314b5 དང་མཚན་ཉིད་ཕན་ཡོན་དང་།། སྔགས་དང་མི་ལྡན་ཉེས་དམིགས་སོ།། རྒྱུ་ནི་བྱང་ཆུབ་སེམས་ཉིད་དེ།། སྐྱེ་འགག་མེད་པའི་བདག་ཉིད་དོ།། དབྱེ་བ་ལ་ནི་རྣམ་གཉིས་ཏེ། དོན་ཉིད་ཡེ་ཤེས་སྒོ་ནས་དང་།། རྟགས
314b6 ཉིད་བཟླས་པའི་སྒོ་ནས་སོ།། དོན་གྱི་སྒོ་ནས་དབྱེ་བ་གསུམ།། གསང་སྔགས་རིག་སྔགས་གཟུངས་སྔགས་སོ།། བཟླ་ཐབས་དབྱེ་ན་བཞི་ཡིན་ཏེ།། རྒྱུ་ནི་མ་ནོར་རྩ་བའི་སྔགས།། བསྐྱེད་པ་རྐྱེན་དང་བཟླས་པ
iiif viewer powered by OpenSeadragon
