| e-texts navigator |
| Wylie |
314a1 ཚིག་ལྡན་པ་དང་།། ཤེས་རབ་རྙིང་རྗེ་ཆེ་བ་དང་། དབང་ཐོབ་མན་ངག་ཅན་གྱིས་བསྒྲུབ།། དམིགས་པ་མཆོག་དང་ཐུན་མོང་ངོ་།། ཕན་ཡོན་འདོད་པའི་དོན་རྣམས་ཀུན།། ཇི་ལྟ་བར་ནི་འགྲུབ
314a2 པའོ།། མ་བསྒྲུབས་ཉེས་དམིགས་བསྟན་པ་ནི།། འཁོར་བའི་འཁོར་ལོར་འཁྱམས་པའོ།། ཕྲིན་ལས་ལ་ནི་རྣམ་གཉིས་ཏེ།། ཟབ་པ་དོན་གྱི་ཕྲིན་ལས་དང་།། རྒྱ་ཆེ་དོན་གྱི་ཕྲིན་ལས་སོ།། ཟབ་པ་དོན་གྱི་ཕྲིན་ལས
314a3 ནི།། མཉམ་ཉིད་རྟོགས་པའི་དང་ནས་ནི།། ལས་བཞི་ཕྲིན་ལས་ཀུན་ཀྱང་འགྲུབ།། རྒྱ་ཆེ་རྟགས་ཀྱི་ཕྲིན་ལས་ལ།། དོན་ནི་བཅུ་གཅིག་ཤེས་བྱ་སྟེ།། རྒྱུ་དང་ངོ་བོ་ངེས་ཚིག་དང་།། དབྱེ་བ་མིང་གི་རྣམ་གྲངས
314a4 དུས།། ཡུལ་དང་རྩོམ་པའི་གང་ཟག་ཚུལ།། ཕན་ཡོན་མ་བརྩམས་ཉེས་དམིགས་སོ།། རྒྱུ་ནི་ཚད་མེད་རྣམ་བཞི་པོ།། ཤེས་རབ་དང་ནི་བཅས་པའོ།། ངོ་བོ་བདག་ཉིད་ཆེན་པོ་ཡི།། ཐུགས་རྗེས་འགྲོ་བ་ཕན་འདོགས
314a5 པའོ།། ངེས་ཚིག་བྱ་བར་འོས་པའོ།། མཛད་སྤྱོད་བྱ་ཕྱིར་ཕྲིན་ལས་སོ།། དབྱེ་བ་བཞི་ལ་སོགས་པ་ཡིས།། ཕྲིན་ལས་དང་ནི་མཛད་སྤྱོད་དང་།། བྱ་བ་ཞེས་བྱ་རྣམས་གྲངས་སོ།། དུས་ནི་འདུལ་བ་ལ་སོགས
314a6 པ།། སྐབས་ལ་བབ་པའི་དུས་ཉིད་དོ།། ཕྲིན་ལས་བརྩམ་ཡུལ་བསྟན་པ་ནི།། སྤྱིར་ནི་སེམས་ཅན་ཐམས་ཅད་ལ།། ཁྱད་པར་གནོད་སྡིག་དབུལ་ཕོངས་དང་།། ལོག་ལྟ་ཅན་དང་དྲེགས་པ་ཅན།། ནད་དང་གདོན་གྱིས
iiif viewer powered by OpenSeadragon
