| e-texts navigator |
| Wylie |
313b1 བྱ།། དམ་ཚིག་དག་དང་མི་ལྡན་ན།། ཕྱི་ནང་སྡེ་སྣོད་ཀུན་མཁས་ཀྱང་།། འདབ་གཤོག་མེད་པའི་བྱ་བཞིན་ཏེ།། དམྱལ་བའི་གནས་སུ་ཐེ་ཚོམ་མེད།། བསྒྲུབ་པའི་དོན་ལ་གཉིས་ཡིན་ཏེ།། ཟབ་པ་དོན་གྱི་བསྒྲུབ་པ
313b2 དང་།། རྒྱ་ཆེ་བ་ཡི་བསྒྲུབ་པའོ།། གཉིས་མེད་དོན་ལ་བསྒྲུབ་པ་ནི།། ཟབ་པ་དོན་གྱི་བསྒྲུབ་པ་ཡིན།། རྒྱ་ཆེན་བསྟན་པ་བཅུ་གཅིག་སྟེ།། རྒྱུ་དང་ངོ་བོ་ངེས་ཚིག་དང་།། དབྱེ་དང་བསྒྲུབ་ཚུལ་རྣམ་གྲངས་དང་།། ཆ་རྐྱེན
313b3 གང་ཟག་དམིགས་པ་དང་།། ཕན་ཡོན་དང་ནི་ཉེས་དམིགས་སོ།། རྒྱུ་ནི་རང་ལ་གནས་པ་ཡི།། བྱང་ཆུབ་སེམས་ཀྱི་ཡོན་ཏན་བསྒྲུབ།། ངོ་བོ་དངོས་གྲུབ་གཉིས་འགྲུབ་པར།། བྱེད་པའི་ཐབས་ཀྱི་རིམ་པའོ།། ངེས་པའི
313b4 ཚིག་ནི་ཐབས་འདི་ཡིས།། དགོས་དོན་བསྒྲུབ་ཕྱིར་བསྒྲུབ་པའོ།། དབྱེ་བ་ལ་ནི་རྣམ་བཞི་སྟེ།། བསྙེན་པ་དང་ནི་ཉེ་བསྙེན་དང་།། སྒྲུབ་པ་དང་ནི་སྒྲུབ་ཆེན་པོ།། སྒྲུབ་པའི་ཚུལ་ལ་རྣམ་གཉིས་ཏེ།། ཤེས་རབ་སྒོ་ནས
313b5 ཅིག་ཅར་དུ།། འཇུག་པའི་ཚུལ་གྱིས་བསྒྲུབ་པ་དང་།། ཐབས་ཀྱི་སྒོ་ནས་རིམ་པ་ཡིས།། འཇུག་པའི་ཚུལ་དུ་བསྒྲུབ་པའོ།། སྒྲུབ་པའི་ཚུལ་གྱིས་བསྒྲུབ་པ་དང་།། བསྒྲུབ་པ་ཉམས་སུ་ལེན་པ་དང་།། ཚུལ་བཞིན་སྤྱོད
313b6 དང་ལམ་ལ་གནས།། རྣལ་འབྱོར་བརྩོན་ཞེས་རྣམ་གྲངས་སོ།། དེ་ལ་སྒྲུབ་པའི་ཆ་རྐྱེན་ནི།། གནས་དང་གྲོགས་དང་འཁོར་ཡོ་བྱད།། ཕུན་སུམ་ཚོགས་པས་རྟེན་པའོ།། སྒྲུབ་པ་རྟེན་གྱི་གང་ཟག་ནི།། དད་བརྩོན་དམ
iiif viewer powered by OpenSeadragon
