| e-texts navigator |
| Wylie |
312b1 རྣམས།། འབྲས་བུ་མེད་ཅིང་བརླག་པར་འགྱུར།། དམ་ཚིག་དོན་ལ་རྣམ་གཉིས་ཏེ།། ཟབ་མོ་དོན་གྱི་མཚན་ཉིད་དང་།། རྒྱ་ཆེ་བསྲུང་བའི་དམ་ཚིག་གོ། ཟབ་པ་དོན་གྱི་དམ་ཚིག་ནི།། རང་སེམས་མཉམ་པ་ཆེན་པོ
312b2 རྟོགས།། དམ་ཚིག་ཀུན་གྱི་མཆོག་ཏུ་གསུངས།། དེ་ཡི་ངང་ལས་མི་འདའ་བར།། བློ་དང་ལྡན་པས་གནས་པར་བྱ།། རྒྱ་ཆེ་བསྲུང་བའི་དམ་ཚིག་ལ།། དོན་ནི་བཅོ་ལྔར་ཤེས་པར་བྱ།། རྒྱུ་དང་ངོ་བོ་ངེས་ཚིག
312b3 དང་།། དབྱེ་བ་དཔེ་དང་རྣམ་གྲངས་དང་།། ལས་དང་ཆེ་བ་བསྲུང་ཐབས་དང་།། ཉམས་རྒྱུ་ཉམས་རྟགས་སྤྱོད་པ་དང་།། བསྐང་ཐབས་ཕན་ཡོན་ཉེས་དམིགས་སོ།། རྒྱུ་ནི་རྩ་བ་བྱང་ཆུབ་སེམས།། ངོ་བོ་བསྲུང་བར་བྱ
312b4 བ་རྣམས།། སེམས་པ་རྒྱུན་མ་ཆད་པའོ།། ངེས་ཚིག་དམ་པས་གསུང་རྣམས་ལ།། འདའ་བར་བྱ་བ་མ་ཡིན་ལ།། འདས་ན་ཚིག་ཕྱིར་དམ་ཚིག་གོ། དབྱེ་བ་གསུམ་སྟེ་སྤྱི་དང་ནི།། ཁྱད་པར་ལྷག་པའི་དམ་ཚིག་གོ། ཁྱད
312b5 པར་ལ་ནི་རྩ་བ་དང་།། ཡན་ལག་དག་ཏུ་ཤེས་པར་བྱ།། དཔེ་ནི་སོ་མཁར་ལྟ་བུའོ།། དམ་ཚིག་སྡོམ་པ་ཐ་ཚིག་སྟེ།། ཡལ་གམ་ཞེས་བྱ་རྣམ་གྲངས་སོ།། ལས་ནི་སྡིག་པ་སྤོང་བྱེད་ཅིང་།། ལེགས་པའི་ཡོན་ཏན་འཛིན
312b6 པར་བྱེད།། དམ་ཚིག་དག་གི་ཆེ་བ་ནི།། བླ་མེད་དམ་ཚིག་འདི་ཉིད་དུ།། བསྲུང་བྱ་ཀུན་འདུས་རྣམ་པར་དག། བསྲུང་ཐབས་གཡོ་སྒྱུ་མེད་པ་ཡིས།། དྲན་དང་ཤེས་བཞིན་བྱ་རས་བསྲུང་།། འཁོར་བའི་ཆོས་ལ་ཆགས
iiif viewer powered by OpenSeadragon
