| e-texts navigator |
| Wylie |
312a1 མེད་པར་སྟོན།། ཡང་དག་མཐའ་ལ་རྣམ་པར་གནས།། རང་རིག་འགག་མེད་འདུས་མ་བྱས།། བདེ་ཆེན་རང་བཞིན་དངོས་མེད་སྟོན།། མ་སྐྱེས་གསལ་བ་ཡེ་ཤེས་སྒྲ།། དེ་ཡི་གནས་ལ་གོམས་པར
312a2 བྱ།། དབང་བསྐུར་བ་དང་རབ་ཏུ་གནས།། གོ་འཕང་བསྒོམ་དང་རིང་དུ་སྦྱིན།། བྱིན་བརླབ་ཅེས་བྱ་རྣམ་གྲངས་སོ།། དེ་ལ་དབང་འདི་བསྐུར་ཚུལ་དང་།། སློབ་མའི་སྣོད་དང་མོས་སྦྱར་ལ།། ཏིང་ངེ་འཛིན་ནི་རྡུལ་ཚོན
312a3 ལ།། བརྟེན་ཏེ་རིམ་མམ་ཅིག་ཅར་བསྐུར།། དབང་ཐོབ་རྐྱེན་ལ་རྣམ་བཞི་སྟེ།། བླ་མས་དབང་ཐོབ་ནུས་ལྡན་དང་།། སློབ་མ་དད་ལྡན་ཡོད་པ་ལ།། བླ་མ་མཉེས་པར་བྱས་པ་དང་།། དབང་གི་ཆོ་ག་ལེགས
312a4 པའོ།། དབང་གི་ལས་ནི་སློབ་མ་ཡི།། དྲི་མ་དག་པར་བྱེད་པའོ།། བསྐུར་ཐབས་རྣམ་པ་བཞི་ཡིན་ཏེ།། ཕྱི་ལྟར་རྫས་ལ་བརྟེན་ནས་བསྐུར།། ནང་གི་རྫས་གཟུངས་བརྟན་ཏེ་བསྐུར།། གསང་བ་ཏིང་ངེ་འཛིན་ལ
312a5 བསྐུར།། མཐར་ཟུག་གདམས་ངག་བརྟེན་ཏེ་བསྐུར།། དུས་ནི་སྡིག་པ་ལས་ལོག་པ།། གསང་སྔགས་ཆོས་ལ་མོས་དུས་སོ།། དབང་རྣམས་འཛིན་པའི་རྟེན་དག་ནི།། དམ་ཚིག་ཡིན་ཏེ་ཉམས་ན་ཡལ།། དཔེ་ནི
312a6 གྱང་དང་རི་མོ་ལྟར།། དབང་རྣམས་བསྐུར་བའི་ཕན་ཡོན་ནི།། གསང་སྔགས་སྣོད་དུ་རུང་བ་དང་།། དུས་འདི་ཚུན་ཆད་རྒྱལ་བའི་སྲས།། དབང་མ་བསྐུར་བའི་ཉེས་དམིགས་ནི།། ཉན་པ་ལ་སོགས་བརྩམ་པ
iiif viewer powered by OpenSeadragon
