| e-texts navigator |
| Wylie |
311b1 གསང་ཆེན་རྟོགས་པའི་རྟགས།། འཁོར་བའི་ཆོས་ལ་ཞེན་པ་ལོག། མཉམ་པའི་རྗེས་སུ་གཞོལ་བའོ།། སྙིང་རྗེ་བྱང་སེམས་རབ་ཏུ་འཕེལ།། དབང་མཆོག་མ་ཐོབ་རྟགས་དག་ཀྱང་།། དབུལ་པོ་ཕྱུག་པོར་ཁས་འཆེ།
311b2 འདྲ།། ནོར་འདོད་ཕྱིར་ན་ངན་ལས་བྱེད།། ཐེག་པ་ཆེན་པོར་ཁས་འཆེས་ཀྱང་།། ཐ་སྙད་འདོད་ཕྱིར་མི་ཕྱིར་འབྲང་།། དབང་མ་ཐོབ་སྟེ་བསྐུར་འདོད་ན།། དད་ལྡན་ཚུལ་ཤེས་ངན་སོང་སྦྱོང་།། ཚུལ་དང་ལྡན་པར
311b3 བྱིན་བརླབས་ཏེ།། ཡང་དང་ཡང་དུ་སྙོམས་འཇུག་གསལ།། བླ་མ་དཔེ་རུ་ནམ་མཁའ་གསལ།། ལུང་དང་མན་ངག་རིག་པས་སྦྱོར།། ཤེས་པ་རབ་ཡིན་ཡེ་ཤེས་ཡིན།། དེ་ཕྱིར་ཤེས་རབ་ཡེ་ཤེས་སོ།། བྱེ་བྲག་ལ་ནི
311b4 རྣམ་པ་བརྒྱད།། དཀྱིལ་འཁོར་བསྐུར་གནས་འདག་ཚུལ་དང་།། གདམས་ངག་བལྟ་སྤྱོད་དམ་ཚིག་དང་།། འབྲས་བུ་བསྟན་པ་ཉིད་དང་བརྒྱད།། དཀྱིལ་འཁོར་བླ་མའི་ཞལ་ལས་བླང་།། གནས་ནི་སློབ་མའི་སེམས
311b5 ལ་བསྐུར།། སྒྲིབ་པ་སེམས་ཀྱི་སྒྲིབ་པ་དག། གདམས་ངག་ཡེ་ཤེས་ངོས་བཟུང་སྟོན།། བལྟ་བ་གཉིས་མེད་ཡེ་ཤེས་རྟོགས།། སྤྱོད་པ་རང་ཤུགས་དགག་བསྒྲུབ་མེད།། དམ་ཚིག་མཉམ་པ་ཆེན་པོ་བསྲུང་།། འབྲས་བུ
311b6 སྐུ་གསུམ་ཡེ་ཤེས་ལྔ།། ཤེས་རབ་ཡེ་ཤེས་མེ་པོ་ཆེ།། བཅུ་དྲུག་ཕྱེད་ཕྱེད་ཐིག་ལེ་ཅན།། ཡན་ལག་མེད་པའི་རྩིས་ལས་འདས།། དབང་བཞི་པ་ནི་དེ་དག་ལ།། རྒྱས་འདེབས་པ་ཡི་མན་ངག་སྟེ། གཉིས་མེད་གཉིས་སུ
iiif viewer powered by OpenSeadragon
