| e-texts navigator |
| Wylie |
310a1 ཤིན་ཏུ་རྒྱས།། བསྡུས་པ་ཡེ་ཤེས་སེམས་དཔའོ།། འཇམ་དཔལ་ཡེ་ཤེས་སེམས་དཔའ་ཡི།། མིང་ནི་ཡང་དག་བརྗོད་པའི་མཆོག། འབྲིང་ནི་རིགས་ལྔ་འཁོར་དང་བཅས།། ཕྱག་རྒྱ་བཞི་བཅུ་ཐམ
310a2 པའོ།། སངས་རྒྱས་སྐུ་ལྔའི་བདག་ཉིད་ཅན།། རྒྱལ་བ་རིགས་ལྔ་ཡབ་ཡུམ་དང་།། སེམས་དཔའ་སེམས་མ་སྒོ་བ་དང་།། ཉན་ཐོས་འཇིག་རྟེན་གཙོ་བོ་དང་།། དཀྱིལ་འཁོར་རྒྱལ་པོ་འདི་རུ་འདུས།། དེ་ལ་དབང་གི་བྱེ
310a3 བྲག་ནི།། དཀྱིལ་འཁོར་གང་བླང་བསྐུར་ཐབས་གང་།། སྒྲིབ་པ་གང་དག་གདམས་ངག་གང་།། ལྟ་བ་སྤྱོད་པ་དམ་ཚིག་དང་།། འབྲས་བུ་དག་དང་བརྒྱད་ཡིན་ནོ།། དཀྱིལ་འཁོར་རྡུལ་ཚོན་ཉིད་ལས་བླངས།། བསྐུར
310a4 གནས་སློབ་མའི་སྤྱི་བོར་བསྐུར།། སྒྲིབ་པ་ལས་ཀྱི་སྒྲིབ་པ་དང་།། གདམས་ངག་སྐྱེད་རིམ་གདམས་ངག་སྟོན།། ལྟ་བ་སྔགས་ཀྱི་ཉན་ཐོས་རྟོགས།། སྤྱོད་པ་དམ་རྫས་ལྔ་ལ་སྤྱོད།། དམ་ཚིག་རྩ་བ་གཅིག་ཉིད
310a5 དང་།། ཡན་ལག་དང་ནི་བཅས་པའོ།། འབྲས་བུ་མི་དང་ལྷ་གནས་སུ།། འཁོར་ལོས་བསྒྱུར་བའི་རྒྱལ་པོ་ཐོབ།། གསང་བའི་དབང་ལ་བརྒྱད་ཡིན་ཏེ།། རྒྱུ་དང་གང་ཟག་དགོས་ཆེད་དང་། ཐོབ་པའི་རྟགས་དང
310a6 མ་ཐོབ་རྟགས།། སྲིད་པའི་འདོད་ཆགས་སྤངས་མ་སྤངས།། ངེས་པའི་ཚིག་དང་བྱེ་བྲག་གོ། དཀའ་ཐུབ་སྡོམ་པས་མི་གདུང་ཞིང་།། གསང་བའི་དོན་མོས་སྐྱེ་བའི་རྒྱུ།། གང་ཟག་སྣོད་དུ་མི་རུང་བ།། དགེ་སློང་བྲམ་ཟེ
iiif viewer powered by OpenSeadragon
