| e-texts navigator |
| Wylie |
30a1 ངང་ལས་བྱུང་།། གནས་ཚུལ་ཆེན་པོ་དེ་ཉིད་ལ།། བལྟ་བའི་དོན་ཉིད་ལུ་གུ་རྒྱུད།། ཆོས་ཅན་སྣང་བ་གྲངས་མེད་ཀྱང་།། ཆོས་ཉིད་དོན་ལ་གཅིག་ལས་མེད།། ཨེ་མ་བལྟ་བ་རྒྱུན་གྱི་རྣལ་འབྱོར
30a2 གྱིས།། དེ་ཡི་དོན་ལ་འགྱུར་མེད་བལྟ།། དེ་ཡང་ལུ་གུ་རྒྱུད་ཀྱི་སྐུ།། མངོན་དུ་སྣང་ཞིང་བཟུང་བར་དཀའ།། རིག་པའི་ངོ་བོ་དེ་ཉིད་ལ།། འགག་མེད་ཟང་ཐལ་གནས་པའི་དཔེ།། དཔེར་ན་རྒྱ་མཚོ་དངས་པ
30a3 ལ།། གཟའ་དང་སྐར་མ་གསལ་བ་བཞིན།། བག་ལ་ཉལ་བའི་དུས་མེད་པར།། སྣ་ཚོགས་ཟང་ཐལ་ཆེན་པོར་གནས།། བལྟ་བ་རྒྱུན་གྱི་རྣལ་འབྱོར་གྱིས།། དེ་ཡི་དོན་ལ་མ་ཡེངས་ན།། བག་ལ་ཉལ་དང་མ་ཉལ
30a4 མེད།། ཉིན་མོ་སྣང་དང་མཚན་མོ་ནུབ།། གཉིས་སུ་སྣང་བ་ཡོད་མ་ཡིན།། སྤྱོད་པ་རྒྱུན་གྱི་རྣལ་འབྱོར་གྱིས།། ལུ་གུ་རྒྱུད་ཀྱི་ངོ་བོ་དང་།། དུས་བཞི་ཉིད་དུ་མ་བྲལ་ན།། སྤྱོད་པ་རྒྱུན་གྱི་རྣལ་འབྱོར་ཡིན།། རང་རིག
30a5 བསྒོམ་པའི་རྒྱུན་མེད་ཀྱང་།། བསྒོམ་པ་རྒྱུན་གྱི་རྣལ་འབྱོར་འབྱུང་།། དུས་དང་དུས་མེད་ཐམས་ཅད་དུ།། ལུ་གུ་རྒྱུད་དང་མ་བྲལ་ན།། བསྒོམ་པ་རྒྱུན་གྱི་རྣལ་འབྱོར་ཡིན།། དེ་ནི་རང་རིག་འཁྱེར་སོར་བསྟན།། ཨེ་མ
30a6 ཧོ།། བལྟ་བ་རྒྱུན་གྱི་རྣལ་འབྱོར་ལ།། གོལ་ས་རྣམ་པ་གསུམ་ཡོད་སྟེ།། སྟོང་པ་ཉིད་ལ་བལྟས་པ་ན།། གཟུགས་མེད་སྐྱེ་མཆེད་མུ་བཞིར་གོལ།། དངོས་པོ་ཉིད་དུ་བལྟས་པ་ན།། གཟུགས་ཁམས་གནས་རིགས་བཅུ
iiif viewer powered by OpenSeadragon
