| e-texts navigator |
| Wylie |
309b1 ཆོས་ཀྱིས་མི་ངོམས་ཤིང་།། འབྲས་བུའི་ཆོས་ལ་མོས་པ་སྐྱེ།། བླ་མ་ལ་གུས་དམ་ལ་གནས།། ཐར་པ་ཐོབ་འདོད་སྐྱེས་མཆོག་དེས།། བུམ་པའི་དབང་ཐོབ་དང་པོ་ཡིན།། ས་དེ་ཐོབ་པའི་རྟགས་དག་ཀྱང་།། རང
309b2 སེམས་ལྷར་གསལ་དམ་ཚིག་ལྡན།། བྱམས་དང་སྙིང་རྗེ་རབ་ཏུ་འཕེལ།། སློབ་དཔོན་སྤྱིར་ལེན་ཉོན་མོངས་ཆུང་།། དབང་ཉིད་མ་ཐོབ་རྟགས་དག་ཀྱང་།། གསང་བའི་མན་ངག་འཆལ་བར་སྒྲོག། རྙེད་པ་འདོད
309b3 ཕྱིར་ཅི་ཡང་བྱེད།། རྡོ་རྗེ་སློབ་དཔོན་ལ་སྨོད་བྱེད།། སློབ་མ་དད་ལྡན་དབང་ལ་མོས།། དགོས་པའི་རྫས་ཚོགས་བསྐུར་བའི་དུས།། སྣོད་ངན་བྱུང་ན་སྦྱང་བའི་ཐབས།། སློབ་དཔོན་གྱིས་ནི་སྦྱིན་བསྲེག་དང་།། ཚ་ཚ་ལ
309b4 སོགས་མདོ་ཡང་གདོན།། སློབ་མས་སྒྲིབ་པ་རྒྱུན་གཅོད་གདོན།། ཕྱི་བཤགས་ནང་བཤགས་ཅི་ནུས་བྱ།། བུམ་པའི་དབང་གི་ངེས་ཚིག་ཀྱང་།། དབུ་རྒྱན་ལ་སོགས་རྫས་རྣམས་ཀུན།། གཅིག་པའི་ཕྱིར་དང་འདུས
309b5 ཕྱིར་དང་།། སྤྲོས་མེད་མཚོན་ཕྱིར་བུམ་པ་སྨོས།། དབྱེ་བ་ཕྱི་ནང་གསང་བ་གསུམ།། རང་ཤར་བརྡ་ཡི་བུམ་པ་ཕྱི།། རང་ལུས་རྟགས་ཀྱི་བུམ་པ་ནང་།། གསང་བ་ཆོས་ཀྱི་བུམ་པའོ།། དབང་བསྐུར་སློབ་དཔོན་མཚན
309b6 ཉིད་ནི།། ལྟ་བ་མ་ནོར་གདོང་ལྡན་ཞིང་།། ཏིང་འཛིན་ལྷ་གསལ་རྒྱུད་ལ་མཁས།། ལས་དང་བྱ་བའི་ཐབས་ལ་མཁས།། གྲུབ་པ་བརྙེས་པས་དབང་བསྐུར་བྱ།། འདི་ལ་དཀྱིལ་འཁོར་དུ་ཞེ་ན།། བསྡུས་དང་འབྲིང་དང་།
iiif viewer powered by OpenSeadragon
