| e-texts navigator |
| Wylie |
308b1 དཀྱིལ་འཁོར་ནི།། དཀྱིལ་འཁོར་ཆེན་པོ་ཡངས་པ་ཡིན།། སྐྱེ་མེད་ཆོས་དེ་སྣ་ཚོགས་དོན།། ཅི་ཡང་མིན་ལས་ཅིར་ཡང་འཆར།། དཀྱིལ་འཁོར་ཆེན་པོ་མཆོག་ཆེན་པོ།། རྒྱ་ཆེན་རྟགས་ལ་དགུ་ཡིན་ཏེ།། གཞི་དང་ངོ་བོ
308b2 ངེས་ཚིག་དང་།། དབྱེ་བ་སྣང་ལུགས་སྒོམ་ཐབས་དང་།། ཚད་དང་ཕན་ཡོན་ཉེས་དམིགས་སོ།། གཞི་ནི་ས་གཞི་ཕུང་པོ་སེམས།། ཕྱི་ནང་གསང་བར་ཤེས་པར་བྱ།། རྒྱལ་བའི་ཕོ་བྲང་འཁོར་དང་བཅས།། རིག་པ་ཆོས
308b3 ཉིད་སྙིང་པོ་ལ།། རིགས་བཞི་ལྷ་དང་ལྷ་མོའི་འཁོར།། དཀྱིལ་འཁོར་ཞེས་ནི་དེ་ཕྱིར་བརྗོད།། དབྱེ་བ་གཟུགས་བརྙན་དཀྱིལ་འཁོར་དང་།། ཏིང་འཛིན་རང་བཞིན་དཀྱིལ་འཁོར་གསུམ།། གོམས་དང་མ་གོམས་བྱེ
308b4 བྲག་གིས།། དངོས་དང་ཏིང་འཛིན་ཡུལ་དུ་སྣང་།། ཡང་ན་དབང་པོ་རབ་འབྲིང་གསུམ།། ཆོས་སྐུ་ལོངས་སྐུ་སྦྲུལ་སྐུའོ།། བསྒོམ་པ་རིམ་མམ་ཅིག་ཅར་རོ།། རྡུལ་ཚོན་འདོམ་གང་གྲུ་བཞི་ལ།། ཏིང་འཛིན་ལྕོགས་ཚད
308b5 ཚད་ཡིན་ནོ།། བྲིས་པས་རྟོགས་པ་བསྐྱེད་བྱེད་ཅིང་།། བསྒོམ་པས་ཐ་མལ་ཞེན་པ་བཟློག། འཁོར་བ་མི་གྲོལ་ཉེས་པའི་སྐྱོན།། དབང་ལ་རྣམ་གཉིས་དེར་ཤེས་བྱ།། ཟབ་དོན་གྱི་ནི་དབང་མཆོག་དང་།། རྒྱ་ཆེ་རྟགས
308b6 ཀྱི་དབང་ཉིད་དོ།། ཟབ་པ་དོན་གྱི་དབང་ཉིད་དོ།། རིག་པའི་རྩལ་དབང་ཐོབ་པ་སྟེ།། ཆོས་ཉིད་རྟོགས་པའི་དབང་ཅེས་བྱ།། ཡེ་ཤེས་དབང་བསྐུར་ཅོད་པན་ཅན།། རྒྱ་ཆེར་རྟགས་ཀྱི་དབང་བསྐུར་ལ།། རྣམ་པ་བཅུ
iiif viewer powered by OpenSeadragon
