| e-texts navigator |
| Wylie |
307b1 དང་རྒྱ་ཆེའི་ལམ་དང་འབྲས། ཁྱད་པར་བཤད་ལུགས་བཞི་ཡིས་བཤད།། ཐུན་མོང་བཅུ་གཉིས་ལུགས་ཀྱིས་བཤད།། སྟོན་པ་གནས་འཁོར་དུས་ལ་སོགས།། ཕུན་ཚོགས་ལྔ་ཡིས་གཞི་བཟུང་ལ།། བཤད་ཚུལ་བདུན
307b2 གྱིས་གནས་སྐབས་སྦྱར། ཁྱུང་ཆེན་ནམ་མཁར་ལྡིང་བ་ལྟར།། རྒྱུད་ཀྱི་སྤྱི་ཁོག་ཕུབ་ཏེ་བཤད།། སྟག་གི་མཆོངས་སྟབས་ལྟ་བུ་ཡིས།། རྒྱུད་ཀྱི་གཞུང་ཚོགས་ས་རྣམས་བཅད།། ངང་མོ་གཞིབ་པའི་འགྲོས་ལྷ
307b3 བུས།། གོང་འོག་ཚིག་གི་འབྲེལ་པར་སྦྱར།། ཆེ་འགྲན་རྩོད་པ་ལྟ་བུ་ཡིས།། བརྒལ་བ་ལན་གྱིས་བསྙད་པར་བྱ།། དྲང་དཀའ་དབང་པོ་ལྟ་བུ་ཡི།། ལུང་གིས་གང་ཟག་ཡིད་ཆེས་བྱ།། བྱ་གླག་གཟན་འཛུམ་ལྟ་བུ
307b4 ཡིས།། གདམས་ངག་གནད་ཕྱུང་སྐལ་ལྡན་དང་།། རུ་སྦལ་ནུར་འགྲོས་ལྟ་བུ་ཡིས།། ཡི་གེའི་འབྲུ་འཇོམས་ཚིག་མཐའ་བསྐྱལ།། འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས།། བཤད་ཐབས་ཀྱི
307b5 ཡན་ལག་བསྟན་པའི་ལེའུ་སྟེ་གསུམ་པའོ།། །། ལག་ན་རྡོ་རྗེ་ཁྱོད་ཉོན་ཅིག། གསང་བའི་རྒྱུད་ཀྱི་དོན་བསྟན་པ།། ངོ་བོ་ངེས་ཚིག་དབྱེ་བའོ།། ལྡང་ཚད་མཐུན་དཔེ་དགོས་འབྲེལ་ལོ།། དབྱེ་བ་རྣམ་བཞིར་ཤེས
307b6 བྱ་སྟེ།། ཚིག་དོན་སྒོ་ནས་དབྱེ་བ་དང་།། གཞི་ལམ་འབྲས་བུར་དབྱེ་བ་དང་།། རྩ་བ་དང་ནི་ཡན་ལག་དང་།། ལྷ་སྤྱོད་སྒོ་ནས་དབྱེ་བའོ།། ངོ་བོ་དབྱེ་ལས་ཤེས་པར་བྱ།། ངེས་པའི་ཚིག་ནི་དྲུག་ཡིན་ཏེ།། ཕུན་སུམ
iiif viewer powered by OpenSeadragon
