| e-texts navigator |
| Wylie |
306b1 རྟོག་པ་བསལ་བའི་ཕྱིར།། བཅོམ་ལྡན་འདས་ཀྱིས་བཀའ་སྩལ་མཛོད།། འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས།། འཁོར་གྱིས་ཞུས་པའི་ལེའུ་སྟེ་གཉིས་པའོ།། །། དེ་ནས་བཅོམ
306b2 ལྡན་ཤཱཀྱ་ཐུབ།། རྫོགས་པའི་སངས་རྒྱས་རྐང་གཉིས་མཆོག། འཁོར་ལ་ཞལ་གཟིགས་འཛུམ་པ་མཛད།། ལྗགས་བརྐྱངས་ནས་ནི་ཚིག་གསུངས་པ།། འཇམ་དཔལ་དོན་མཚན་བརྗོད་པ་ཡི།། རྒྱུད་ཀྱི་སྙིང་པོ་ལྷུན
306b3 རྫོགས་འདི།། བཤད་ཚུལ་རྣམ་པ་བཞི་ཡིན་ཏེ།། ཆོས་རྣམས་ཟབ་ཅིང་རྒྱ་ཆེ་བའི།། བདག་ཉིད་དུ་ནི་སངས་རྒྱས་དང་།། འགྲོ་བས་དེ་མ་རྟོགས་ཚུལ་དང་།། ཐུགས་རྗེ་བསྐྱེད་ཚུལ་ཉིད་དང་ནི།། དེ་ལས་དམ་ཆོས
306b4 གསུང་ཚུལ་ལོ།། དམ་ཆོས་གསུང་ཚུལ་རྣམ་བཞི་སྟེ།། རྒྱས་པར་གསུང་དང་འབྲིང་བསྡུས་འཇུག། དེ་ལས་རྒྱས་པར་གསུངས་པ་ནི།། དུག་གསུམ་ཉོན་མོངས་ཆ་མཉམ་པའི།། གཉེན་པོ་བརྒྱད་ཁྲི་བཞི་སྟོང་ངོ་།། ཐེག
306b5 པ་སྣ་ཚོགས་ཐབས་ཚུལ་གྱིས།། འགྲོ་བའི་དོན་ལ་སྟོན་པའོ།། འབྲིང་ནི་རྣམ་ལ་བཅུ་གཉིས་ཏེ།། མདོ་དང་དབྱངས་དང་ལུང་དུ་བསྟན།། ཚིག་བཅད་ཆེད་བརྗོད་གླེང་གཞིའི་སྡེ།། རྟོགས་བརྗོད་དེ་བྱུང་སྐྱེས་པའི
306b6 བས།། རྒྱས་དང་རྨད་བྱུང་གཏན་ལ་ཕབ།། ཡན་ལག་བཅུ་གཉིས་སྲིད་རྩ་བཏོན།། བསྡུས་པ་སྡེ་སྣོད་གསུམ་དག་སྟེ།། མདོ་སྡེ་འདུལ་བ་ཆོས་མངོན་ནོ།། དེ་ཡང་རྣམ་པ་བཞི་ཡིན་ཏེ།། གང་གསུང་གང་དུ་གང་གི
iiif viewer powered by OpenSeadragon
