| e-texts navigator |
| Wylie |
305b1 རྒྱ་གར་སྐད་དུ། ཨཱརྱ་མཉྫུ་ཤྲཱི་བྷཱ་ཥ་ཏནྟ་རཏྣ་མཱ་ལཱ་ནཱ་མ། བོད་སྐད་དུ། འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ཞེས་བྱ་བ།། འཕགས་པ་འཇམ་དཔལ་ཡེ་ཤེས་སེམས་དཔའ་ལ་ཕྱག
305b2 འཚལ་ལོ།། འཁོར་བའི་སེམས་ཅན་ཐམས་ཅད་ཀུན།། མ་རིག་པས་ནི་རྒྱུ་བྱས་ནས།། ལས་དང་ཉོན་མོངས་རྐྱེན་དབང་གིས།། སྡུག་བསྔལ་རྒྱ་མཚོར་ཆུད་པ་རྣམས།། སྡུག་བསྔལ་མཚོ་ལས་བཏོན་པ་ནི།། བྱང
305b3 ཆུབ་བདེ་ལ་བཀོད་པའི་ཕྱིར།། གསང་དབང་ལག་ན་རྡོ་རྗེ་ཡིས།། འཇམ་དཔལ་དོན་གྱི་མཚན་བརྗོད་པའི།། རྒྱུད་ཀྱི་སྙིང་པོ་ལྷུན་རྫོགས་འདི།། རྫོགས་པའི་སངས་རྒྱས་བཅོམ་ལྡན་འདས།། ཐུབ་པའི་དབང་པོ་ཉིད
305b4 ལ་ཞུས།། དེ་དོན་ཕྱིན་ཅི་མ་ལོག་པར།། རྗེས་འཇུག་རྣམས་ཀྱིས་རྟོགས་བྱའི་ཕྱིར།། གསལ་བྱེད་སྒྲོན་མ་ལྟ་བུ་ཞུས།། ཨེ་མ་ཆོས་རྣམས་ཀུན་སྟོན་ཅིང་།། ཟབ་ཅིང་རྒྱ་ཆེའི་དོན་སྟོན་པ།། འཇམ་དཔལ་དོན་གྱི་མཚན
305b5 བརྗོད་པའི།། རྒྱུད་ཀྱི་སྙིང་པོ་ལྷུན་རྫོགས་འདི།། མར་མེ་འཆི་ཀའི་འོད་བཞིན་དུ།། བསྟན་པ་འཇིག་ཀའི་དུས་དག་ཏུ།། རྒྱལ་བའི་ཐུགས་རྗེའི་བྱིན་རླབས་ཀྱིས།། འཛམ་བུ་གླིང་གི་དབུས་སུ་དར།། སྐལ་ལྡན་རྣམས
305b6 ཀྱི་སྒྲོན་མེ་བྱེད།། ལས་དང་ཉོན་མོངས་གཉེན་པོ་བྱེད།། དང་པོའི་འོག་མིན་ཆོས་དབྱིངས་སུ།། གསང་སྔགས་གླུ་འདི་རང་སྒྲར་བཤད།། སངས་རྒྱས་རྡོ་རྗེ་འཆང་ཆེན་གྱིས།། སངས་རྒྱས་དཔག་མེད་རྣམས་ལ
iiif viewer powered by OpenSeadragon
