| e-texts navigator |
| Wylie |
305a1 ཆེ་སྤུངས་པ་འདི།། ངོ་སྤྲོད་དབང་བསྐུར་རྒྱུད་ཡིན་ཏེ།། བྱིན་གྱིས་བརླབས་ཀྱིས་བཤད་པ་ཡིན།། འཁོར་བ་དོང་སྤུག་རྒྱུད་དུ་ཟུང་།། ཡེ་ཤེས་སྤྱན་གསུམ་རྒྱུད་དུ་ཟུང་།། དབང་བསྐུར་རྒྱལ་པོའི་རྒྱུད་དུ
305a2 ཟུང་།། ཡེ་ཤེས་རྟེན་རྫོགས་རྒྱུད་དུ་ཟུང་།། ཡེ་ཤེས་འཁོར་ལོའི་རྒྱུད་དུ་ཟུང་།། ངོ་སྤྲོད་ཆེན་པོའི་རྒྱུད་དུ་ཟུང་།། ཞེས་གསུངས་སོ།། རྡོ་རྗེ་སེམས་དཔས་གསོལ་བ།། ལེགས་སོ་རྫོགས་སངས་རྒྱས་པའི་མཆོག། དེ་ལྟར
305a3 གསུངས་པར་རྗེས་ཡི་རང་།། འཁོར་རྣམས་རབ་ཏུ་དགྱེས་པའོ།། བྱང་ཆུབ་སེམས་དཔའ་ཐུགས་རྗེ་ཆེ།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། རྗེས་སུ་ཡི་རང་བའི་ལེའུ་སྟེ་སོ་གསུམ
305a4 པའོ།། །། ལྷ་རྒྱུད་རིན་པོ་ཆེ་སྤུངས་པའི་རྒྱན་ཞེས་བྱ་བ་རྫོགས་སོ།། བི་མ་ལའི་གདམས་པ། བོད་རྒྱལ་ཁམས་ཡོངས་ལ་བཙད་པོ་ཆེན་ཁྲིམས་ཀྱིས་ཆེ།། བོད་འབངས་ཡོངས་ལ་དཀོན་མཆོག་མཉན་ན
305a5 བདེ།། སྔགས་པ་ཀུན་གྱིས་ངན་སྔགས་ཐུབ་ན་བཙུན།། རྣལ་འབྱོར་རྣམས་ཀྱིས་ཚུལ་འཆོས་སྤངས་ན་བཟང་།། བླ་མའི་གདམས་པ་བསྒྲུབས་ན་གྲུབ།། གཙོ་བོ་རྣམས་ཀྱིས་ཆད་ལས་མི་འགལ་བཟང་།། མོ་བཙུན
305a6 རྣམས་ཀྱིས་ལུས་ཁྲིམས་དམ་ན་བཙུན།། ཆོས་སྐྱོང་སྲུང་མས་བསྟན་པ་བསྲུངས་ན་བཙུན།། གདམས་ངག་སྲོག་ལས་གཅེས་པ་བྱས་ན་ཕྱི་ཕྱིར་བཙུན།། སློབ་དཔོན་བི་མ་ལས་དེ་སྐད་གསུངས་སོ།། །།
iiif viewer powered by OpenSeadragon
