| e-texts navigator |
| Wylie |
304a1 ཉན་ཐོས་ཉིད་དུ་ལྟུང་།། སྙིང་རྗེ་དང་ནི་ཤེས་རབ་ཀྱིས།། འགྲོ་དོན་མ་ལུས་བྱེད་པ་པོ།། སྙིང་རྗེ་ཆེན་པོ་ཅིར་མི་མཛད།། ཆེ་བའི་ཡེ་ཤེས་རྙེད་དཀའ་བ།། ཤེས་རབ་ཐབས་ཀྱིས་འགྲོ་དོན་བྱེད།། གྲོལ
304a2 ནས་གྲོལ་བའི་ལམ་ཡང་སྟོན།། ལམ་རྣམས་ཀུན་གྱི་མཆོག་ཏུ་བཤད།། ཐུན་མོང་ཁྱད་པར་མཆོག་དང་གསུམ།། ལོག་ལྷ་མ་དད་ལེ་ལོ་དང་།། མ་རིག་པ་དེ་ལམ་དུ་སློང་།། ངོ་སྤྲོད་སངས་རྒྱས་ས་ལ་འགོད།། ལམ་གྱི
304a3 མཆོག་ཅེས་བྱ་བའོ།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། ངོ་སྤྲོད་ཀྱི་ལྷ་བསྒོམ་ལས་གྲོལ་བའི་ལེའུ་སྟེ་སོ་གཅིག་པའོ།། །། དེ་ནས་ཡང་བཀའ་སྩལ་པ།། གསང་བའི་བདག་པོ་ཁྱོད་ཉོན
304a4 ཅིག། རྩ་དང་རླུང་དང་ཐིག་ལེ་དང་།། ཡེ་ཤེས་རྣམ་པ་བཞི་རུ་འདུས།། ཐུན་མོང་ཁྱད་པར་མཆོག་དང་གསུམ།། ཐུན་མོང་འཁོར་ལོ་ལྔ་ལ་གནས།། བརྒྱ་དང་ཉི་ཤུ་རྩ་བཞི་ཡོད།། དེ་ཡང་བསྡུས་པས་གསུམ་དུ
304a5 འདུས།། དེ་ཡང་ཨ་བ་དྷ་ཏིར་འདུས།། ཨ་ནི་ཚིག་དབང་རིན་པོ་ཆེ།། ཝ་ནི་གསང་བའི་ཡེ་ཤེས་དབང་།། འ་ནི་ཤེས་རབ་དབང་ཡིན་ནོ།། དྷ་ནི་ཐབས་ཀྱི་དབང་ཡིན་ནོ།། ཏི་ནི་བུམ་པའི་དབང་ཞེས་བྱ།། ཐམས་ཅད
304a6 འདུས་པས་བུམ་པའི་དབང་།། ཚིག་ཏུ་མཚོན་པས་མིང་གི་དབང་།། བརྒྱུད་པ་མ་ཆད་ཆུ་ཡི་དབང་།། རང་ཆོས་སྟོན་པས་དབུ་རྒྱན་དབང་།། ཟུང་དུ་འབྲེལ་པས་རྡོ་རྗེ་དྲིལ་བུའི་དབང་།། རིག་པའི་དབང་ལྔ་ཞེས་ཀྱང
iiif viewer powered by OpenSeadragon
