| e-texts navigator |
| Wylie |
303b1 འོད་དཔག་མེད་པ་དང་།། ཐ་མའི་སངས་རྒྱས་མར་མེ་མཛད་དང་གསུམ།། བཀའ་བགྲོས་རྒྱུད་དུ་བྱིན་བརླབས་ནས།། སངས་རྒྱས་བཀའ་བགྲོས་རྒྱུད་ཅེས་བྱ།། གཞི་ཡི་ཆོས་ལྔ་ལྷུན་གྲུབ་ཡིན།། དེ་མ་ཤེས་པས
303b2 འཁྲུལ་པ་ཡིན།། ལམ་གྱི་འོད་ལྔ་རང་སྣང་ཡིན།། དེ་མ་ཤེས་པས་འཁོར་བ་ཡིན།། འབྲས་བུ་འཁོར་བ་རྣམ་བཞི་ཡིན།། དེ་མ་ཤེས་པས་དངོས་པོ་ཡིན།། གཞི་ཤེས་པས་ནི་གྲོལ་བ་དེ།། ཐམས་ཅད་མཁྱེན་པ་ཐོབ་པ
303b3 ཡིན།། ལམ་ཤེས་པས་ནི་རང་བྱུང་བ།། འཁོར་བའི་གཡང་ས་ཆོད་པ་ཡིན།། འབྲས་བུ་འདས་པ་སྔར་གྲོལ་བས།། འཁོར་བའི་འབྲས་བུ་ཆོད་པ་ཡིན།། ཡེ་ཤེས་སྤྱན་གསུམ་གཅིག་ཏུ་དྲིལ། སངས་རྒྱས་སྤྱན་ཞེས་རབ
303b4 ཏུ་བརྗོད།། སངས་རྒྱས་ཀུན་གྱི་དགོངས་པ་ནི།། གོས་དཀར་མོ་ཞེས་བརྗོད་པ་ཡིན།། དགོངས་པ་ཕྱོགས་མེད་ཁྱབ་པ་ཡིན།། ནམ་མཁའི་དབྱིངས་ཕྱུག་མ་ཞེས་བརྗོད།། ཐུགས་རྗེའི་རླན་དང་མི་འབྲལ་བས།། མཱ་མ
303b5 ཀི་ཞེས་རབ་ཏུ་བརྗོད།། ཐུགས་རྗེ་ཀུན་ལ་སྙོམས་པར་འཆར།། དམ་ཚིག་སྒྲོལ་མ་ཞེས་བྱའོ།། ཐིག་ལེའི་རང་བཞིན་ཤེས་རབ་སྙིང་རྗེ་སྟེ།། ཕྱི་ཡི་ཁྱད་པར་ཐེག་པ་ཆེ་ཆུང་བསྟན།། འོག་མ་རྣམས་ནི་རང་དོན་སྤྱོད་པ
303b6 ཡིན།། སྔགས་ཀྱི་ཐེག་པ་གཉིས་ཀ་སྤྱོད་པ་ཡིན།། རྫོགས་པ་ཆེན་པོ་དབྱེ་བ་མེད་པ་ཡིན།། བཀའ་རྒྱུད་འདི་ནི་བདག་དོན་གཞན་དོན་གཉིས།། རང་གྲོལ་དབང་པོའི་ཁྱད་པར་སྟོན་པ་ཡིན།། ཐབས་དང་ཤེས་རབ
iiif viewer powered by OpenSeadragon
