| e-texts navigator |
| Wylie |
301a1 པའི་ཁྱད་པར་བསྟན་པ་ནི།། ཉན་ཐོས་འབྲས་བུ་དགྲ་བཅོམ་པ།། བསྐལ་པ་གྲངས་མེད་བདུན་ན་འདོད།། དུག་ལྔ་དགྲ་བཞིན་སྤང་བ་ཡིན།། ཐེག་ཆེན་དབུ་མ་སྟོང་པར་འདོད།། གཅིག་དང་དུ་བྲལ
301a2 ལ་སོགས་པ།། གཏན་ཚིགས་གཞིག་ནས་སྟོང་པར་འདོད།། དེ་ཡང་དུག་དང་སྦྱོར་བ་ཡིན།། ཤེས་རབ་ཕ་རོལ་ཕྱིན་ལ་སོགས།། མདོ་རྒྱུད་སྔགས་ཀྱི་ཁྱད་པར་གང་།། མདོ་རྒྱུད་དབང་གི་གདམས་པ་མེད།། སྔགས
301a3 ལ་རྣམ་པ་གཉིས་ཡིན་ཏེ།། ཕྱི་པ་དང་ནི་ནང་པའོ།། ཕྱི་བའི་དབང་ལས་ནང་པའི་དབང་།། ཕན་པའི་དབང་བཅུ་ཁྱད་པར་འཕགས།། ནང་གི་རྒྱུད་ནི་དབང་ལྔ་དང་།། བདུད་རྩི་ལྔ་ཡིས་ཁྱད་པར་འཕགས།། དེ
301a4 བས་རྫོགས་ཆེན་ཁྱད་པར་ཆེ།། སྔགས་ནི་བསྒྲུབ་བསྐུར་འབྲས་བུར་འདོད།། རྫོགས་ཆེན་རྟོགས་པས་སངས་རྒྱས་པ།། ཚིག་དབང་གཅིག་གིས་རྟོགས་པར་འདོད།། དབང་བསྐུར་རྫོགས་པ་དབང་ལྔ་ཡིན།། དེ་ནི
301a5 མ་རྣམས་ལ་མེད།། མཆོད་པ་རྣམ་ལྔ་ལྟ་སྒོམ་པ།། དེ་ནི་ཀྲི་ཡ་ཡིན་པར་འདོད།། མཆོད་པ་རྣམ་ལྔ་སྐུ་ལྔ་བསྒོམ།། དེ་ནི་ཡོ་ག་ཡིན་པར་འདོད།། བདུད་རྩི་ལྔ་མཆོད་རིགས་ལྔ་བསྒྲུབ།། དེ་ནི་མ་ཧ་ཨ་ནུར
301a6 འདོད།། གསང་སྔགས་དབང་གིས་ཁྱད་པར་འཕགས།། རྫོགས་ཆེན་ཐམས་ཅད་ཆོས་སྐུར་རྟོགས།། རིག་པ་རྩལ་གྱི་དབང་ཆེན་ཐོབ།། དེས་ན་ཁྱད་པར་རབ་ཏུ་ཆེ།། སྙན་བརྒྱུད་རིན་ཆེན་སྦྱངས་པ་འདི།། ཐམས
iiif viewer powered by OpenSeadragon
