| e-texts navigator |
| Wylie |
300a1 ཡིན།། སྣང་བ་དབང་དུ་འདུས་པས་རིག་པ་གཅེར་བུར་ཐོན།། རིག་པ་དབང་དུ་འདུས་པས་སངས་རྒྱས་ཡུལ་མེད་མཐོང་།། རང་གྲོལ་དབང་དུ་འདུས་པས་ཆོས་མིན་ཚད་ལས་གྲོལ།། བརྒྱུད་པ་ཚད
300a2 དང་མི་ལྡན་ན།། གནད་མེད་ཕྱི་བ་རྐོ་བ་འདྲ།། གདམས་པ་ཚད་དང་མི་ལྡན་ན།། རྒྱུས་མེད་ཚོན་སྐྱོང་མེད་པ་འདྲ།། བཀའ་རྒྱུད་ཚད་དང་མི་ལྡན་ན།། བེའུ་ཐག་སྦྲེལ་ནས་ལྷུང་བ་འདྲ།། བྱིན་རྒྱུད་ཚད་དང་མི་ལྡན
300a3 ན།། གྲོག་པོ་སྐམ་པོར་ཉ་བསྒྲག་འདྲ།། སྙན་བརྒྱུད་ཚད་དང་མི་ལྡན་ན།། སྒོ་ང་རུལ་པ་གནོད་པ་འདྲ།། ཐུགས་རྒྱུད་ཚད་དང་མི་ལྡན་ན།། རྨིག་པའི་ཚང་ནས་ཆུ་འཚོལ་འདྲ།། ཉམས་མྱོང་ཚད་དང་མི་ལྡན་ན།། སྨྱོན
300a4 པའི་ལག་ཏུ་མདུང་བསྐུར་འདྲ།། དེ་རྣམས་ཚད་དང་ལྡན་པ་ནི།། ནོར་བུ་རིན་ཆེན་འཆང་བ་འདྲ།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། རྩ་དང་ཚད་མའི་ལེའུ་སྟེ་ཉེར་དྲུག་པའོ།། །། དེ་ནས་ཡང
300a5 བཀའ་སྩལ་པ།། གསང་བའི་བདག་པོ་ཁྱོད་ཉོན་ཅིག། བྱིན་རྒྱུད་ཚད་དང་ལྡན་པ་ནི།། མཁའ་འགྲོ་མ་ནི་རབ་གནས་ཏེ།། རང་བཞིན་ངོ་བོ་སྤྲུལ་པ་གསུམ།། རང་བཞིན་མཁའ་འགྲོ་རྣམ་པ་ལྔ།། རྡོ་རྗེ་མཁའ་འགྲོ
300a6 རིན་ཆེན་དང་།། པདྨའི་མཁའ་འགྲོ་ལས་འགྲོ་དང་།། དེ་བཞིན་རིགས་ཀྱི་མཁའ་འགྲོ་དང་།། རྣམ་པ་ལྔ་རུ་ཤེས་པར་བྱ།། ངོ་བོའི་མཁའ་འགྲོ་རྣམ་པ་གསུམ།། འབྱུང་བ་རྣམ་ལྔའི་མཁའ་འགྲོ་ལྔ།། དབྱིངས་ཀྱི་མཁའ
iiif viewer powered by OpenSeadragon
