| e-texts navigator |
| Wylie |
29b1 ཤིག། སྣང་བ་ཐམས་ཅད་འོད་དུ་གསལ་བར་འདོད་ན། རྡོ་རྗེ་ལུ་གུ་རྒྱུད་ཀྱི་ཡེ་ཤེས་ལ་མཁས་པར་གྱིས་ཤིག། ཀྱེ་མ་ཡང་དག་པར་རྫོགས་པའི་སངས་རྒྱས་ཐམས་ཅད་ཀྱི་མངའ་བདག་ཀྱང་། རྡོ་རྗེ་ལུ་གུ་རྒྱུད
29b2 ལ་ཟུག་གོ། རང་བྱུང་གི་ཡེ་ཤེས་ཐམས་ཅད་ཀྱི་དེ་བཞིན་ཉིད་ཀྱི་སྣང་བའི་འགྲོ་ས་ནི། རྡོ་རྗེ་ལུ་གུ་རྒྱུད་དང་ནམ་མཁའ་རྣམ་པར་དག་པ་ལ་ཐུག་གོ། ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས། སྐུ་ཐམས་ཅད་ཀྱི
29b3 འདུས་པས་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང་པདྨའི་རིགས་ཀྱི་མཁའ་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གསང་སྔགས་ཀུན་གྱི་གནས་པའི
29b4 ས།། མོས་པའི་འཁོར་ལ་སྣང་བར་མཛོད།། དེ་ནས་རྡོ་རྗེ་འཆང་བ་ཡིས།། ཉེ་བའི་འཁོར་ལ་བཀའ་སྩལ་པ།། ཀྱེ་མ་ཉོན་ཅིག་པདྨའི་རིགས།། ང་ཡིས་དོན་ཆེན་རབ་བསྟན་གྱིས།། ཁྱེད་ཀྱིས་ངེས་པའི་ཡིད་ཀྱིས
29b5 ཟུང་།། གསང་སྔགས་ཀུན་གྱི་གནས་ཚུལ་ནི།། རིན་ཆེན་ཟུར་བརྒྱད་གཞལ་ཡས་དང་།། འགྱུ་བྱེད་རྩ་ཡི་གཞལ་ཡས་དང་།། དུང་ཁང་བྷན་དྷའི་གཞལ་ཡས་དང་།། ལྟ་བྱེད་མིག་གི་གཞལ་ཡས་སོ།། གཞལ་ཡས་ཆེན
29b6 པོ་དེ་བཞིན། གསང་སྔགས་ཀུན་གྱི་གསང་ཆེན་གནས།། རང་རིག་སྐུ་ལ་གཡོ་བ་མེད།། སྒོ་ནས་ལམ་དུ་རབ་བྱུང་ནས།། མཁའ་མཉམ་སྟོང་པའི་ངང་དུ་ཐིམ།། དོན་གྱིས་ཡེ་ཤེས་ཅིར་སྣང་ཡང་།། ངང་དུ་རྫོགས་ཤིང
iiif viewer powered by OpenSeadragon
