| e-texts navigator |
| Wylie |
299b1 ཡོད།། དེ་ལས་གྱེས་པས་བསམ་མི་ཁྱབ།། དཔེར་ན་ཁ་ཤོ་བ་ཡི་ལོ་མ་འདྲ།། དཔེར་ན་ཤ་མོའི་སུལ་བཞིན་ནོ།། རླུང་དང་ཐིག་ལེ་ཡང་ནི་དེ་དང་འདྲ།། རྩ་དང་ཁྲག་དང་དྲོད་དང་རླུང་།། ཤ་དང་ས་རྣམས་བརྟེན་པས
299b2 ན།། བརྟེན་པ་རྩ་ཞེས་བརྗོད་པ་ཡིན།། དེ་ལ་འབྱུང་བ་བརྟེན་པས་ན།། འབྱུང་བའི་ནད་རྣམས་འཁྲུགས་ནས་ནི།། དེ་ལས་བགེགས་རྟེན་གདོན་དུ་ཆེ།། དེ་ལ་དབུགས་རྟེན་ཆད་པས་འཆི།། འབྱུང་བ་ཆ་མ་སྙོམས་པས
299b3 འཕེལ་འགྲིབ་འབྱུང་།། དེ་ལས་རྒས་ཤིང་འཁོགས་པ་འབྱུང་བར་འགྱུར།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས།། ལུས་ཀྱི་མན་ངག་བསྟན་པའི་ལེའུ་སྟེ་ཉེར་ལྔ་པའོ།། །། དེ་ནས་ཡང
299b4 བཀའ་སྩལ་པ།། གསང་བའི་བདག་པོ་ཁྱོད་ཉོན་ཅིག། ཕྱི་རྩ་ལུས་ལ་གནས་པ་ནི། ཁ་ཤོའི་ལོ་མ་འདྲ་སྟེ་སྤེལ་བར་གནས།། དེ་ལ་བཤད་ན་བསམ་མི་ཁྱབ།། ནང་རྩ་རུས་པ་དག་ལ་གནས།། དེ་ནི་གསེར་གྱི་མེ་ཏོག
299b5 འདྲ་སྟེ་ཡོན་ཏན་རྒྱས།། གསང་རྩ་སྙིང་ལ་གནས་ཏེ་འཁོར་ལོ་འདྲ།། དེ་འདྲ་སྐྱོན་ཡོན་འབྱེད་པའི་རྩ།། གདམས་པའི་རྩ་ནི་རྣ་བ་མིག་ལ་གནས།། གནད་ཀྱི་མན་ངག་རབ་ཏུ་གཅེས།། ཚད་མས་འཇལ་བའི་སྲང་དང
299b6 གྲུབ་མཐའ་སྐྱོང་བའི་སྲང་།། ལག་ཕྲད་བྱེད་པའི་སྲང་དང་གསུམ་དུ་འདུས།། ཚད་མས་འཇལ་བའི་སྲང་ནི་བརྒྱུད་པ་ཡིན།། གྲུབ་མཐའ་སྐྱོང་བའི་སྲང་ནི་འབྲས་བུ་ཡིན།། ལག་ཕྲད་བྱེད་པའི་སྲང་ནི་གདམས་པ
iiif viewer powered by OpenSeadragon
