| e-texts navigator |
| Wylie |
298b1 བའི་རྩ་ནས་ཐམས་ཅད་སྐྱེད།། མས་ཟོས་བུ་ཡི་ལྟེ་བར་འཁོར།། དེ་ནས་ལུས་ལ་འཁོར་བས་ན།། ལྟེ་བ་སྤྲུལ་པའི་འཁོར་ལོ་ཡིན།། དེ་ནས་ཟུར་དུ་བྱུང་བ་ལ།། མ་ཡིས་ཟོས་པ་བུ་ལ་ཐིམ།། བུ་ཡིས་ཟོས་པ་གསང
298b2 སྒོར་འཁོར།། གསང་བའི་འཁོར་ལོ་ཞེས་ཀྱང་བརྗོད།། སྙིང་གར་ཕ་ཡི་ཐིག་ལེའི་རྩལ།། དམར་མོ་མ་ཡེ་ཤེས་རབ་རྩལ།། མཐིང་ག་རིག་པ་སེམས་ཀྱི་རྩལ།། དེ་ཡིས་ཐམས་ཅད་ཚང་བས་ན།། ཆོས་ཀྱི་འཁོར་ལོ
298b3 ཞེས་ཀྱང་བྱ།། སྙིང་ལ་ཆོས་ཉིད་རྩ་ཡིས་བསྐོར།། ཞི་བ་ལ་སོགས་ཆོས་སྐུའི་རྟེན།། ཆོས་ཀྱི་འཁོར་ལོ་ཞེས་ཀྱང་བརྗོད།། འགྱུ་བ་མཛོད་སྤུར་འཁྱིལ་བའི་ལམ།། མགྲིན་པའི་རྩ་ལ་ལོངས་སྤྱོད་བྱེད།། ལོངས་སྤྱོད
298b4 འཁོར་ལོ་ཞེས་ཀྱང་བྱ།། གསང་བའི་རྩ་ལ་ཐམས་ཅད་འདུས།། བདེ་བ་གསལ་བ་མི་རྟོག་པས།། ཆོས་ཀྱི་འཁོར་ལོ་ཞེས་ཀྱང་བྱ།། མཛོད་སྤུར་ཡེ་ཤེས་རྩ་གནས་པ།། རྟེན་གྱི་འབྱུང་གནས་ཞེས་བྱའོ།། རོ་མ་རྐྱང་མ
298b5 གཉིས་པོའི་ཁ།། སྣ་ལ་ཟུག་པས་ཕོ་ཡི་རྟེན།། གསང་བར་ཟུག་པས་མོ་ཡི་རྟེན།། ཡར་མར་སྣོལ་མར་འབྱུང་བ་ནི།། མ་ནིང་ཞེས་སུ་བཤད་པ་ཡིན། ཁ་ལ་གང་འགྲིབ་འཕེལ་བ་ནི།། ཕོ་མོ་རྒོད་ཅེས་འགྱུར་བ་ཡིན།།
298b6 ཁ་གཉིས་ཟུམ་ནས་མ་ཕྱེད་པས།། མ་ནིང་ཚན་པོ་ཆེ་ཞེས་བརྗོད།། དེ་ལྟར་སྤྱོད་པ་རླུང་ཡིན་ནོ།། ཕོ་རླུང་དྲག་ལ་མོ་རླུང་ད་ལ།། དལ་བར་རྒྱུ་བས་ཐུར་དུ་བྱུང་།། དྲག་པར་རྒྱུ་བས་གྱེན་དུ་བྱུང་།། ལུང་དུ་མ་བསྟན་རླུང
iiif viewer powered by OpenSeadragon
