| e-texts navigator |
| Wylie |
298a1 ཉེར་བཞི་པའོ།། །། དེ་ནས་ཡང་བཀའ་སྩལ་པ། གསང་བའི་བདག་པོ་ཉོན་ཅིག། མི་ལུས་ཆགས་ལུགས་བསྟན་པ་ནི།། སྐྱེ་བ་རྒས་པ་ན་བ་དང་།། འཆི་བ་དང་ནི་རྣམ་པ་བཞི།། སྐྱེ་བ་རྣམ་པ་ལྔ
298a2 ཡིན་ཏེ།། མངལ་དང་སྒོ་ང་ལས་སྐྱེ་དང་།། དྲོད་ལས་སྐྱེ་དང་གཤེར་ལས་སྐྱེས།། རྫུས་ཏེ་སྐྱེ་བ་རྣམ་པ་ལྔ།། མངལ་ནས་སྐྱེ་བ་ཤ་ཁྲག་ལུས།། ཡིད་ལུས་འོད་ལུས་རྫུས་ནས་སྐྱེ།། དྲོད་གཤེར་སྐྱེ་བ་ཤ་ཁྲག་ལུས།། སྐྱེ
298a3 བ་འབྱུང་བས་འཆི་བ་འབྱུང་།། དེ་ཡང་ལུས་ཀྱི་ཆགས་ལུགས་པ།། ཕོ་དང་མོ་དང་མ་ནིང་དང་།། ཕོ་མོ་རྒོད་དང་མ་ནིང་ཚན་པོ་ཆེ།། དེ་ཡང་ཇི་ལྟར་ཆགས་ཞེ་ན།། རྟེན་གྱི་གནད་ནི་རྩ་ཡིན་ཏེ།། དེ་ལྟར་རླུང་ན་རླུང
298a4 ཡིན་ནོ།། དེ་ལ་རྟེན་གྱི་རྩ་བསྟན་པ།། དང་པོ་གཞི་ལ་ལྷུན་གྱིས་གྲུབ།། ཕྲ་བའི་རྩ་དང་རླུང་དང་ནི།། རགས་པའི་རྩ་དང་རླུང་དང་གསུམ།། དེ་ནས་དངོས་པོའི་རྩར་འཁྲུལ་ཏེ།། དངོས་པོ་ཕ་མའི་ཐིག་ལེ་དཀར་དམར
298a5 ཏེ།། རགས་པའི་རྩ་རུ་མཐོང་བ་ལས།། རགས་པ་རྩར་གྱུར་དངོས་པོར་སྨིན།། ཐིག་ལེ་རྩ་ཡི་རྒྱལ་པོ་དེ།། དེ་ལས་སྒྲ་ཙམ་ཙར་གྱིས་བྱུང་།། རྐྱང་མ་ཞེས་བྱའི་རྩ་རུ་གྲགས།། དེ་ནས་ཡང་ཅིག་ཟླ་རུ་བྱུང་།། རོ་མ་ཞེས
298a6 བྱ་གཉིས་སུ་བྱུང་།། དེ་ཡི་དབུས་སུ་གསུམ་དུ་བྱུང་།། དེ་གསུམ་འདུས་པས་སྙིང་དུ་བྱུང་།། ཨ་ཝ་དྷཱུ་ཏི་ཞེས་ཀྱང་བྱ།། དེ་ནས་སྦྲུལ་གནས་ལྟེ་བར་བྱུང་།། མ་ཡི་སྲོག་རྩ་ཡལ་ག་བུ་ཡི་ལྟེ་བར་འབྲེལ་ནས་གནས།། ལྟེ
iiif viewer powered by OpenSeadragon
