| e-texts navigator |
| Wylie |
297b1 འགལ་རྐྱེན་ཡིན།། རྒྱུ་ལྟར་འཁོར་བ་མ་རིག་དུག་ལྔ་ཡིན།། ནག་པོ་ལྟར་འཁོར་ལས་ཀྱི་རྣམ་སྨིན་ཡིན།། དཀར་པོ་ལྟར་འཁོར་ལས་ཀྱི་འབྲས་བུ་ཡིན།། འབྲས་བུ་ལྟར་འཁོར་གྲགས་ཆེན་སངས་རྒྱས་ཡིན།། འཁོར
297b2 བ་རྣམ་བཞི་སྲོག་གཅོད་སྣང་ཆེན་སངས་རྒྱས་ཡིན།། སྣང་བ་གཞན་དབང་མ་གྱུར་དབང་བསྐུར་རྒྱལ་པོ་ཡིན།། ཞེས་གསུངས་སོ།། དེ་ནས་ཡང་བཀའ་སྩལ་པ།། འཁོར་བ་རྣམ་བཞིའི་འབྲས་བུ་བསྟན་པ
297b3 ནི།། རྒྱུ་ལྟར་འཁོར་བ་དང་པོའི་ལས་དང་ནི།། རྒྱུ་དང་རྐྱེན་གྱིས་འགྲོ་བ་དྲུག་སྐྱེས་སོ།། ལས་དང་འཕྲོ་དང་མཐུན་པའི་འབྲས་བུ་ནི།། ལས་ནི་དགེ་དང་མི་དགེ་ལུང་མ་བསྟན་གྱི་ལས།། དགེ་བའི་ལས་ལ་མཚན
297b4 བཅས་མཚན་མེད་དོ།། མཚན་བཅས་རྣམ་པ་གཉིས་ཡིན་ཏེ།། འོག་མའི་དགེ་བ་བཅུ་པོ་དང་།། སྔགས་དང་ཡི་དམ་བསྒོམ་བཟླས་བྱ།། དེ་ནི་ལས་ཀྱི་རྣམ་གྲངས་ཡིན།། བསྡུ་བ་དགེ་དང་མི་དགེ་གཉིས་སུ་འདུས།། དེ
297b5 ཡང་ཆོས་དང་སྤྱོད་པ་ཡིན་པར་བཤད།། ལས་མེད་ལུས་མི་ལེན་པས་འཕྲོ་མེད་པ།། དེ་ནི་ཐིག་ལེ་ཆོས་མིན་ཡིན།། འོད་ལུས་ཡིད་ལུས་ཤ་ཁྲག་ལུས་དང་གསུམ།། འཁོར་བའི་ལུས་ལ་བསམ་མི་ཁྱབ།། བསྡུས་པས
297b6 ལུས་གསུམ་དག་པར་འདུས་པ་ཡིན།། ལས་ནི་ད་ལྟ་འཕྲོ་ནི་བར་དོར་མཐུད།། མཐུད་པའི་འབྲས་བུ་གནས་སྐབས་རང་སོར་སྦྱར།། ཞེས་གསུངས་སོ།། ལྷ་རྒྱུད་རིན་པོ་ཆེ་སྤུངས་པ་ལས། བར་དོ་བསྟན་པའི་ལེའུ་སྟེ
iiif viewer powered by OpenSeadragon
