| e-texts navigator |
| Wylie |
297a1 རེ་ཟག་ཆད་པ་དང་།། ཆོས་ཀྱི་དབྱིངས་ཀྱི་རྔ་སྒྲ་ཆད།། ཤེས་རབ་སྤྱན་གྱིས་ཤེས་པར་འགྱུར།། ཡེ་ཤེས་སྤྱན་གྱི་ཐིག་ལེ་ནུབ།། རྟ་མཆོག་སྔོན་པོའི་ག་ཕུར་སྟོར།། ཏི་ཚེ་གངས་ཀྱི་རླངས་པ་ཡལ།། གློག
297a2 ལྷམ་དམར་པོའི་སྦྲང་རྩི་ཡལ།། རྒྱ་མཚོར་ཆུ་བྲན་ཐམས་ཅད་འདུས།། དབུས་ཀྱི་ཀ་བ་བཙན་ཆེན་འཆུས། ཁོལ་པོ་བཞི་པོ་ཀ་བཞིན་རེངས།། དཔག་བསམ་ཤིང་གི་མེ་ཏོག་ཡལ།། ཞེས་གསུངས་སོ།། ལྷ་རྒྱུད་རིན་པོ
297a3 ཆེ་སྤུངས་པ་ལས།། འཆི་བ་འཆི་ལྟས་འཆི་རྩིས་དང་རྟགས་ཀྱི་ལེའུ་སྟེ་ཉེར་གསུམ་པའོ།། །། དེ་ནས་ཡང་བཀའ་སྩལ་པ།། གསང་བའི་བདག་པོ་ཁྱོད་ཉོན་ཅིག། འཆི་གའི་གདམས་པ་བསྟན་པ་ནི།། མཐུན
297a4 པའི་དཔེ་དང་འགལ་བའི་རྐྱེན།། རྐྱེན་གཉིས་དག་གིས་འཆི་བ་ཡིན།། མཐུན་རྐྱེན་འདུ་དུས་འཆར་བའི་དུས།། གྲོལ་བའི་དུས་དང་རྣམ་པ་བཞི།། དབང་པོ་རབ་འབྲིང་ཐ་མ་གསུམ།། བར་དོ་ཡོད་དང་བར་དོ
297a5 མེད།། རྒྱལ་ཐབས་སྤྱི་བླུག་ཚུལ་དུ་བསྟན།། བར་དོ་ཡོད་དང་འབྲིང་དང་ཐ་མ་གསུམ།། ཆོས་ཉིད་བར་དོ་འཁྲུལ་པ་ལྔ།། རང་རྐྱེན་མཐུན་པའི་གྲོགས་སུ་འཆར།། ཆོས་ཉིད་རང་སྣང་དོན་གྱི་མེ་ལོང་ཡིན།། མཐུན
297a6 རྐྱེན་རང་སྣང་ངོ་སྤྲོད་བླ་མའི་གདམས་པར་འཆར།། དེ་ནི་རང་སྣང་རྐྱེན་དུ་འཆར་ཞེས་བྱ།། འགལ་རྐྱེན་འོད་ལ་ཆགས་སྡང་སྐྱེ།། དེ་ཡི་འབྲས་བུ་གཞན་རྐྱེན་འགྲོ་དྲུག་འཁྲུལ།། འཁོར་བ་རྣམ་བཞིར་འཁྱམས་པ
iiif viewer powered by OpenSeadragon
